Salmo 102:13 - Manobo Western Bukidnon OT

¹³ Andam en is hizu nu para te Zion, su neume en is midtelaan he timpu he zutun ibpeehè nu is keupiya nu para te Zion.

Salmo 102:13 Marejeleo ya Msalaba

Isaias 60:1

Enew ka, Jerusalem, ne silè ka iring te andew su neume en is kegkelibri nu, ne midsilè en diyà te kenikew is mekeǥeǥehem he kebpekiduma te Nengazen.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Salmo 44:26

Gègaani key en tevangi; libriya key su mahal key man kenikew.

Salmo 7:6

Nengazen he Megbevayè ku, ipeehè nu en guntaan is pauk nu te menge kuntada ku he utew egkengepauk kedì, su iyan man ebpen-ahaan nu is hustu he kukuman.

Daniel 12:9

Ne midtavak sikandin te, “Daniel, taǥad ke zà, su is tavak te insè nu ne id-eles pa heini ne kenà ereg he edtudtulen taman te kegkeuma te ketepusan.

Jeremias 31:23

Migkaǥi is Nengazen he Mekeǥeǥehem, he Megbevayà te Israel te, “Emun igkepelikù ku en is menge etew ziyà te Juda ziyà te tanè dan, ne egkaǥi en maan sikandan te, ‘Berakat he tuvazi te Nengazen is segradu he vuntud he iyan is Jerusalem, he iyan ubpeey zin.’

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Salmo 75:2

Ke sikew te, “Duen timpu he midtail ku he para te kedhukum, ne metazeng is kedhukum ku.

Salmo 51:18

He Megbevayè ku, tuvazi nu is Zion, he iyan is inged he Jerusalem su igkelipey nu is kebaal kayi. Umana nu venguna sikan is menge verengbeng kayi.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Salmo 90:2

Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

Salmo 92:9

Kenà duwazuwa he ebpekedsusuwey is lalung he menge kuntada nu ne ebpemematey sikandan.

Salmo 135:13

Nengazen, is ngazan nu wey is kegkevantug nu egketenuzan taman te taman.