Salmo 102:11 - Manobo Western Bukidnon OT

¹¹ Is untung ku iring te alung he meǥaan dà egkaawà diyà te nesevukan din. Wey iring a te sagbet he neǥangu.

Salmo 102:11 Marejeleo ya Msalaba

Salmo 109:23

Egkenaneynaney en egkaawà is untung ku iring te lambung he egkahanew emun mezukilem. Wey iring a zaan te terapan he mibpeyupas.

Job 14:2

Iring key te vulak he ebekar ne kenà egkeuǥet ne egkeǥangu en, wey iring te alung he segugunà egkahanew.

Salmo 144:4

Is etew, iring dà sikandin te keramag su meǥaan dà egkaawà is untung din, ne is menge andew zin ne iring dà te alung he edlavey zà.

Megwewali 6:12

Wazà nesayud ke hengkey is meupiya para kenita te etew seled kayi te mevavà wey wazè din pulus he ked-ubpè ta he iring dà te alung su edlavey zà. Wazà ebpekepenudtul kenita ke hengkey is egkeulaula kayi te kelibutan emun ebpatey ki en.

Job 19:10

Ibpaantus e zin minsan hendei a edlingì, nepurung ad meverengbeng te kemeresayan, ne henduen be te ebpatey ad. In-awè din is perateng ku te meupiya iring te kayu he mibazut.

Penhulùhulù 3:1

Sevaha a te nekesaǥad te kedsilut te Nengazen tenged te kegkepauk din.