Salmo 101:5 - Manobo Western Bukidnon OT

⁵ Edèdeetan ku is minsan hentei he ebpendezaat te zengeg te zuma zin pinaaǥi te menge lalag din. Kenè ku ebey-anan is kelelalung te menge gelbuwen wey mepelevawen.

Salmo 101:5 Marejeleo ya Msalaba

Salmo 18:27

Uya, edlibriyen nu is kenà menge mepelevawen, piru ibpekevavè nu mulà is menge etew he mepelevawen.

Salmo 15:3

Wazà sikandin mekeulug te kewusa ziyà te zuma, wey wazà sikandin medhimu wey megkaǥi te mezaat diyà te iring din he etew.

Erubasa 30:13

Duen menge etew he utew en hembugiru, minsan is kebpenirapsirap dan ne henduen te hentei sikandan.

Salmo 50:20

Layun mezaat is menge lalag niw mehitenged te menge suled niw.

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Erubasa 20:19

Likayi niw is etew he verèbaan su ebpenudtulen din is id-iinelesà pezem.

Ezekiel 22:9

Duen menge etew ziyan te kenikew he mid-uluǥan dan te kewusa is duma su wey ikepehimetayi. Diyà te menge simbahan diyà te menge vuvungan duen daan duma he migkaan te menge pemuhat he impemuhat diyà te zuma he menge ed-ezapen wey zutun utew mahawag is menge vaal zan.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Erubasa 25:23

Is keramag he ebpuun diyà te zizaya ed-uwit te uzan, ne iring dutun is etew he pereituk su ed-uwit te tudtul he igkesavà.

Erubasa 10:18

Teruen is etew he id-eles din is kegkepauk din, ne tulebung is etew he pereituk.

Salmo 138:6

Minsan lavew ka te langun, Nengazen, ed-isipen nu is menge egkaayuayu. Ne minsan diyè ka te meziyu su metikang ka, netuenan nu is langun he menge vaal te menge mepelevawen.

1 Samuel 2:3

Wazà minsan hentei he ebpekepelavew wey ebpekepahambug su is Nengazen Megbevayà, ne wazà ebpekeeles kandin he minsan hengkey, wey ed-is-isipen din is ebeelan te menge etew.

Leviticus 19:16

Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes Nengazen.

Exodus 23:1

“Kenè kew mebpenudtul te menge tarù. Kenè niw uǥupi is mezaat he etew pinaaǥi te kedtarùtarù.

Exodus 20:16

“Kenè kew medtarùtarù diyà te hukmanan te kedezaat te zuma niw he etew.

Erubasa 21:4

Salà is ked-undaunda wey kebmepelevawen. Egketuusan nu is menge lalung he menge etew pinaaǥi kayi he ulaula.