Salmo 101:3 - Manobo Western Bukidnon OT

³ Ne kenè ku ebpesegdanen is kebpedayun te kelelalung. Utew ku igkeepes is menge ulaula te menge etew he ed-iniyug te Megbevayà, ne kenè ku ebeelan is iring keniyan.

Salmo 101:3 Marejeleo ya Msalaba

Salmo 119:37

Ilikey a kenikew te kedtinguhà te menge vutang he wazè dan pulus. Ne pekeluǥeyaza nu pa is untung ku sumalà te insaad nu.

Job 31:1

“Nenangdù a he kenè ku ebpezumahan te arig is kedtengteng ku te menge raǥa.

Erubasa 6:25

Kenè ka petintal tenged te kekempet din. Kenè ka peuwit te mekevivihag he menge mata zin.

Salmo 40:4

Utew zeyzey is etew he edsarig te Nengazen, ne kenà edangep diyà te menge gelbuwen he iyan edsunuzen dan is tarù.

Exodus 20:17

“Kenè niw meimahi is baley te zuma niw, etawa esawa te zuma, menge suluǥuen, menge uyaǥen dan, wey minsan hengkey he ǥaked dan.”

Deuteronomio 15:9

Kenè kew med-isip te selakew, kenè niw isipa he tenged te hapit en egkeuma is ikepitu he tuig, he iyan kes tuig he kenè en edsukuten is utang ne kenè kew en ebpeutang te pubri he zuma niw he meǥinged. Su emun edangep heini is pubri ziyà te Nengazen tenged te kebeeli niw zutun ne zuen niw televaken.

Jeremias 22:17

Ne sikew mulà, wazè duma he tinguhè nu, kekenà, iyan dà is kebpenlimbung, kebpemenhimatey te menge wazà mekesalà, kebpendaagdaag, wey kebpenhukhuk.

Megwewali 6:9

Wazà kayi pulus; henduen dà te edal-as ka te keramag. Umbe meupiya pa ke egkekuntintu ke en ke hengkey is naazen nu, ne kenè ke en medtulung mebpenganduy te zuma pa.

Josue 23:6

“Mebpekelig-en kew, ne peniguduwi niw he metuman niw is langun he ingkesurat diyà te Libru te Kesuǥuan ni Moises. Kenè niw repasa is minsan hengkey he vahin kayi.

Salmo 119:113

Egkeepesan ku is menge etew he kenà tinutuuwà is kebpekid-uyun dan kenikew, piru mibmahal ku mulà is kesuǥuan nu.

Salmo 78:41

Layun dan egezami is Megbevayà; ebeelan dan is igkeepes te Waǥas he Megbevayà te Israel.

Salmo 14:3

Sikandan is langun, midsuwey zan te tutuu he zalan ne pudu memezaat is ulaula zan. Wazà minsan sevaha kandan he ebaal te meupiya.

Exodus 32:8

Wazè en meuǥet ne wazè en sikandan med-ikul ziyà te zalan he ibpeikul ku kandan; midtunew zan te vulawan ne mibeelan dan he ed-ezapen he vaka, ne mid-azap dan haazà wey mibpemuhat dan. Ne egkeǥiyen dan te iyan haazà ed-ezapen dan he nengulu kandan te kegawas diyà te Ehipto.”

Micas 2:2

Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.

Isaias 33:15

Is ebpekeubpà dutun, iyan is etew he nengungubpaan he metazeng wey tutuu is menge lalag din, ne wazà mebpenapì, wey wazà medawat te sipsip. Wazà sikandin mebpekiduma te mibpelanu te kebpemenhimatey wey te kebaal te zuma pa he mezaat he menge vaal.

Isaias 30:11

Awè kew ziyà te ibayè dey, kenè key keniyu elangi. Kenè key en keniyu tudtuli mehitenged te Waǥas he Megbevayà te Israel.’ ”

Salmo 39:1

Nekekaǥi a kayi te gehinawa ku te, “Ebpekeventayan ku is ed-ul-ulahan ku, ne edlikayan ku he mekesalà a pinaaǥi te kegkaǥikaǥi ku. Ebpeninguhaan ku he kenà a mekeriklamu ziyà te Megbevayà. Lavew en ke ziyà te uvey ku is lalung he menge etew.”

Salmo 125:5

Piru siluti nu zuma te menge lalung is menge etew nu he edsunud te mezaat he vetasan. Berakat he meupiya is kebpekesavuk te menge etew te Israel!

Salmo 97:10

Is menge etew he mibmahal zan is Nengazen ne kinahanglan he igkeepes dan is mezaat. Su edtipiǥan te Nengazen is untung te metinumanen he menge etew zin. Ne kenà ebpekezezaat kandan is menge lalung su edlibriyen din sikandan.

Salmo 78:57

Iring te menge kepuun dan, mibpekeziyuan dan wey midluivan dan is Megbevayà. Ne iring sikandan te nevadtì he panà su kenà sikandan egkeseriǥan.

Salmo 36:3

Mezaat wey tarù is menge lalag din, ne kenè din en ed-ul-ulahan is hustu wey meupiya.

1 Samuel 15:11

“Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.

Salmo 41:9

Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì.

Salmo 139:22

Utew ku egkeepesi sikandan; mid-isip ku sikandan he menge kuntada ku.

Erubasa 6:12

Is menge etew he wazè dan pulus wey is mezaat is menge ulaula zan, ne iyan dà idsuǥuksuǥuk dan is ebpemenudtul te tarù.

Erubasa 6:13

Ebpemengendat sikandan wey ebpeuy-uyawà pinaaǥi te menge velad wey paa zan para te kedlimbung te zuma.

Erubasa 8:13

Is langun he edtahud te Nengazen, igkeepes dan is mezaat. Egkeepesan ku is kegkegelbuwen, is kegkemepelevawen, is mezaat he menge vetasan, wey is winalì he menge lalag.

Zacarias 8:17

Kenè kew pelanu te mezaat diyà te iring niw he etew, wey kenè kew penangdù te tarù. Su igkeepes ku is langun kayi he menge vaal.”