Salmo 1:6 - Manobo Western Bukidnon OT

⁶ Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 1:6 Marejeleo ya Msalaba

Erubasa 15:9

Egkeepesan te Nengazen is etew he ed-ulaula te mezaat, piru ebmahalen din mulà is ebpeninguhà he mekeulaula te metazeng.

Nahum 1:7

Meupiya is Nengazen; melig-en sikandin he eputà emun timpu te kelised, ne ed-elimahan din is edangep diyà te kandin.

Salmo 146:9

ebentayan din is menge langyew, edtevangan din is menge ilu wey menge valu he vahi, iyan, ebengkaǥen din mulà is paaǥi te menge lalung.

Erubasa 14:12

Duen dalan he kunaan te etew ke iyan hustu he zalan, iyan, is egkepengkusan dutun ne iyan is kemetayen.

Job 23:10

Piru netuenan din is menge vaal ku. Emun egkeǥezaman e zin en, egkeǥiyen din he lumpiyu a iring te lunsey he vulawan.

Salmo 142:3

Ne emun neewaan ad te perateng, ne heeyan ke zed is ebpekevantey te menge egkengehitavù kedì. Diyà te ibayè ku zuen idtuǥes kedì te menge kuntada ku.

Salmo 112:10

Egkaahà heini te menge lalung ne egkekeǥetket is menge ngipen dan te kegkepauk dan, ne henduen be sikandan te egkereney tenged te kegkeeled dan. Kenà edlampus is menge pelanu zan.

Salmo 9:6

Mibpurungan nu zèdeeti is menge kuntada ku, ne kenè ne maan sikandan egkaahà taman te taman. Mibpemengkag nu is menge inged dan, ne kenè ne sikandan egketenuzan.

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.

Salmo 142:4

Ahaa nu man is nekelingut kedì, wazà midtavang kedì, wazà nengalang kedì, wey wazà neipeng kedì.