Ruth 4:13 - Manobo Western Bukidnon OT

¹³ Ne zutun mibeyaan ni Boaz si Ruth ne mid-esawa zin ne midtuvazan si Ruth te Nengazen, ne mibmeǥingey ne maama is in-anak din.

Ruth 4:13 Marejeleo ya Msalaba

Genesis 33:5

Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”

Genesis 29:31

Naahà te Nengazen he kenà mahal ni Jacob si Lea, umbe mibpengelinteuwan din he mekaanak si Lea, piru si Raquel ne kenà.

Ruth 3:11

Ne kenè ka, bayi, mahandek, su netuenan te langun he menge meǥinged kayi he utew ka metazeng he vahi. Edhimuwen ku is langun he egkesuatan nu.

Salmo 127:3

Is menge anak beǥey wey gasa he ebpuun te Nengazen.

Salmo 113:9

Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak. Deliǥa is Nengazen!

1 Samuel 2:5

Is egkengezeyzey zengan, ne ebpesuhul su wey zan meuyag. Ne is nengevitil zengan, guntaan nengehantey en sikandan. Kes wazà med-anak dengan guntaan mid-anak te mezakel. Ne sikan is mahabet is anak neeminan.

1 Samuel 1:27

Mibuyù ku heini he vatà diyà te Nengazen ne imbeǥey zin kedì is mibuyù ku.

Ruth 4:12

Berakat daan he pinaaǥi te menge anak he ibeǥey te Nengazen keniyu ki Ruth, mevantug is menge kevuwazan niw iring te nevantug daan is menge kevuwazan te kepuun nu he si Perez he anak ni Juda wey ni Tamar.”

Genesis 30:2

Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”

Genesis 25:21

Tenged te kenà ed-anak si Rebeka, mid-ampù si Isaac diyà te Nengazen he med-anak ded is esawa zin. Midtavak te Nengazen is ked-ampù din, umbe mibmeǥingey zutun si Rebeka.

Genesis 20:17

Tenged te kegkuwaa ni Abimelec ki Sara, mibpengelinteuwan te Megbevayà he kenà mekaanak is langun he menge vahi zutun te valey zin. Umbe mid-ampù si Abraham diyà te Megbevayà, ne mibpengelinteuwan te Megbevayà he meulii si Abimelec te zaru zin wey is esawa zin wey is menge uripen din he vahi su wey zan mekeuman mekaanak.