Ruth 4:11 - Manobo Western Bukidnon OT

¹¹ Ne zutun migkaǥi is menge ebmeǥurangen wey is menge zuma he etew te, “Uya, iyan key ebpekepenistiǥus. Ne haazà is bahi he ed-esewaan nu, berakat he edhimuwen te Nengazen he iring sikandin ki Raquel wey ki Lea te menge esawa ni Israel dengan he utew kiw mezakel is menge kevuwazan dan. Berakat he medsepian ka is kevuwazan ni Efrata; berakat he mevantug ka zini te Betlehem.

Ruth 4:11 Marejeleo ya Msalaba

Genesis 29:32

Mibmeǥingey si Lea ne mid-anak te maama ne migngezanan din ki Reuben, su ke sikandin te, “Naahà te Nengazen is merasey he egkeulaula ku, guntaan siguradu he ebmahalen ad human te esawa ku.”

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Salmo 132:6

Hein diyè key te Efrata netudtul kenami ke hendei sikan is Kavan te Kebpekid-uyun, ne ziyè dey haazà meturedu te vevesukà diyà te Jaar.

Ruth 1:2

Iyan ngazan dutun te maama, si Elimelek. Is esawa zin ne si Naomi, ne is menge anak din, ne si Mahlon wey si Kilion. Menge kevuwazan sikandan ni Efrata he tig-Betlehem he inged te Juda.

Deuteronomio 25:9

ne med-uvey haazà is balu ziyà te etuvangan te ebpemendumala ne pul-uta zin is sandalyas duen te ipag din wey ilevi zin diyà te vuked duma is kegkaǥi te, ‘Iyan heini ebeelan diyà te etew he kenà egkesuat he ebeǥey te kevuwazan diyà te suled din he minatey.’

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Erubasa 14:1

Is bahi he uluwanen, ebpurungan din is pemilya zin, iyan, is tulebung mulà he vahi edezeetan din is kandin he pemilya.

Genesis 23:10

Ebpimpinuu zutun si Efron duma te menge zuma zin he menge Hitihanen, umbe midtavak din si Abraham diyà te etuvangan te langun he menge zuma zin he menge Hitihanen he midtiǥum dutun te pultahan te inged.

Genesis 29:25

Hein nepawà, netuenan ni Jacob he si Lea ves is hulid din. Ne zutun mibeyaan din si Laban he egkaǥi te, “Maan is mid-ulaula nu heini kediey? Mibpeniwakà a kenikew para meesawa ku si Raquel. Maan is mid-ekalan a kenikew?”

Erubasa 31:23

Diyà te inged dan, ne telehuzen is esawa zin wey sevaha te menge edlingahaan dutun.

Genesis 29:16

Duen dezuwa he anak ni Laban he raǥa. Iyan ngazan te kakey si Lea ne si Raquel is hazi.

Genesis 35:23

Is menge anak din diyà te ki Lea ne iyan si Reuben, is kakey, ne sunud si Simeon, si Levi, si Juda, si Isacar, wey si Zebulun.

Genesis 35:24

Is menge anak din diyà te ki Raquel, ne iyan si Jose wey si Benjamin.

Deuteronomio 25:7

“Iyan, emun kenà egkesuatan te ed-esawa te suled duen te minatey haazà is balu, ne medhendiyà haazà is balu te ebpemendumala he ziyà te pultahan te inged ne megkaǥi te, ‘Kenà egkesuat is ipag ku he ebeǥey te kevuwazan he ebpekeuwit te ngazan te minatey he esawa ku kayi te Israel. Kenè din edtumanen is ketengdanan din kayi te kediey te ipag din.’

1 Hadì 21:8

Umbe, midsurat si Jezebel pinaaǥi te ngazan ni Ahab, ne midtetakan din heini te tatak te hadì, ne impeuwit din diyà te ebpemendumala wey zuma pa he menge upisyal te inged he ed-ubpaan ni Nabot.

1 Cronica 2:51

si Salma he amey ni Betlehem, wey si Haref he amey ni Bet Gader.

Jeremias 32:10

Mibpirmahan ku wey midtetakan is pepilis te kebpemasa ku ziyà te etuvangan te menge tistiǥus. Ne midtimbang ku haazà is pelata ne imbayad ku ki Hanamel.