Obadias 1:3 - Manobo Western Bukidnon OT

³ Migkaǥi kew te wazà ebpekehimu he edsurung keniyu su geina te ziyè kew med-ubpà te vetuwen wey metikang he lugar. Piru heeyan is hambug niw iyan paaǥi te kedlimbungi niw te keugelingen niw.

Obadias 1:3 Marejeleo ya Msalaba

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

2 Hadì 14:7

Si Amazia iyan midhimatey te 10,000 he menge tig-Edom diyà te menge suǥud he migngezanan te Timus. Naaǥew zin tenged te tebek is Sela, ne egngezanan din heini te Jokteel, ne taman en guntaan iyan heini ngazan din.

2 Cronica 25:11

Mibpekevurut si Amazia te kebpenurung, ne mibpenguluwan din is menge sundaru zin te kedhendiyà te menge suǥud he egngezanan te Timus, ne zutun dan mekepatey te 10,000 he menge Edomanhen.

2 Cronica 25:12

Nekezakep pa sikandan te 10,000 he menge sundaru, ne mid-uwit dan heini ziyà te zempilas ne impen-ulug dan, ne utew nengeruntek is menge lawa kayi.

Job 20:6

Minsan utew subra is kebpelavew zin, su henduen te ebpekeume en diyà te menge ǥapun,

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 18:12

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.

Erubasa 29:23

Tenged te kebpelavew te etew, ebminus is pid-etawan din; iyan, tenged te kenè din kebpelavew, edtehuzen wey edeliǥen sikandin.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Jeremias 21:13

Kuntada ku sikiyu is menge tig-Jerusalem, sikiyu is ebpemen-ubpà diyà te melig-en he lugar he ebpekepantew te suǥud. Sikiyu is ebpegalbu he egkaǥi te, ‘Kenè kiw egkemenu kayi! Wazà ebpekeseled kayi te melig-en he inged tew.’

Jeremias 37:9

Migkaǥi pa is Nengazen te: Kenè niw limbungi is gehinawa niw te ked-isip he kenè kew en edlikuan te menge tig-Babilonia, su siguradu he edlikù dan.

Jeremias 48:28

Awè kew en diyà te menge inged niw ne ziyè kew ubpà te vetuwen, he iring te menge merepatik he ed-impis diyà te pangpang.

Jeremias 49:16

Midlimbungan kew te galbu niw wey te kedtuu niw he egkahandek keniyu is duma he menge nasyun. Mibpahambug kew he ziyè kew ed-ubpà te vetuwen he metikang he lugar. Piru minsan idrepeng niw pa is ketikang te ubpeey niw te ketikang te impisà te kulaǥu, edezeetan ku ǥihapun sikiyu.”

Jeremias 49:4

Sikiyu is menge meluiven, maan is impurung niw ipahambug is selebpeten he menge suǥud he tanè niw? Midsarig kew te ketiǥeyunan niw ne ke sikiyu te wazà ebpekehimu he edsurung keniyu.

Ezekiel 28:16

Is mahabet he petiǥayun nu nehimu he hinungdan te kegkemesipala nu, ne mibaal ka te salà. Umbe midsegseg ku sikew puun te segradu he vuntud ku; impaawè ku sikew is kirubin he perevantey puun te ed-ilak-ilak he menge vatu.

Malakias 1:4

“Emun egkaǥi is menge Edomanhen he menge kevuwazan ni Esau te, ‘Minsan nezeetan en is ubpaan dey, ne ed-umanan dey heini ebenguna,’ iyan a, kes Nengazen he Mekeǥeǥehem, egkaǥi te, ‘Minsan ed-umanan dan ebenguna haazà is inged dan ne edrundusen ku zed gihapun. Egngezanan sikandan he “mezaat he nasyun” wey “menge etew he layun dà igkeepes te Nengazen.”