Numero 6:24 - Manobo Western Bukidnon OT

²⁴ ‘Berakat he tuvazi kew te Nengazen.

Numero 6:24 Marejeleo ya Msalaba

Isaias 42:6

Migkaǥi sikandin diyà te suluǥuen din te, “Iyan a, is Nengazen, midtawag kenikew su ibpeehè ku is ketazeng ku. Edtevangan ku wey ebpengelangan ku sikew ne pinaaǥi kenikew ebaal a te kebpekid-uyun ku te menge etew. Edhimuwen ku sikew he iring te sulù he ebpeketeyew te menge nasyun,

Salmo 91:11

Su edsuǥuen te Megbevayà is menge velinsuǥuen din te kebantey kenikew minsan hendei ka ebpevayà.

Salmo 134:3

Berakat he tuvazi kew te Nengazen he ziyà te Zion, he iyan mibaal te langit wey kelibutan.

Ruth 2:4

Ne netegteǥaad dutun, ne nekeuma si Boaz he ebpuun te Betlehem, “Ipata kew te Nengazen,” ke sikandin diyà te menge sakup din. Ne midtavak dan te, “Ipata ka zaan te Nengazen.”

Salmo 17:8

Ilikey a kenikew te kezeetan iring te kedlikaya te etew te mata zin wey kenà mesazir, ne pengelangi a kenikew iring te kebpengalang te tagbis te menge anak din pinaaǥi te kedlekupi zin kandan.

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.

Salmo 28:9

Libriya nu wey tuvazi nu is menge etew he ǥaked nu. Bentayi nu sikandan he iring te ed-elima te kerehidu; etimana nu sikandan te wazà pidtemanan.

Isaias 27:3

Iyan a, is Nengazen, mid-etiman keniyan he pemuleey te paras. Layun ku heini ebinyaǥi. Ebentayan ku heini te maandew wey mezukilem su para wazà ebpekezezaat kayi.

Genesis 28:15

Tentenuzi nu he layun a eduma kenikew wey ebentayan ku sikew minsan hendei ka ebpevayà. Ibpelikù ku sikew kayi he tanà, ne kenè ku sikew ed-ewaan taman te egketuman ku is menge saad ku kenikew.”

2 Samuel 7:29

Egkesuatan ku he igkelipey nu is kedtuvazi nu te pemilya ku wey mebpedayun heini minsan keenu ziyà te etuvangan nu, su iyan heini menge saad nu, Nengazen he MEGBEVAYÀ. Ne tenged kayi te kedtuvad nu, egkezeyzey is pemilya ku taman te taman.”

Daniel 9:17

“Umbe, Megbevayè ku, pemineǥa nu is hangyù ku wey pengemuyù ku. Para meveǥayi ka te zengeg, Nengazen, umana nu venguna is baley nu he nerundus he mibey-anan en.