Numero 34:17 - Manobo Western Bukidnon OT

¹⁷ “Si Eleazar he memumuhat wey si Josue he anak ni Nun iyan ebahin duen te tanà para te menge etew.

Numero 34:17 Marejeleo ya Msalaba

Josue 14:1

Iyan heini paaǥi te kebehina eni Eleazar he memumuhat, ni Josue he anak ni Nun, wey te menge pengulu te menge pemilya te kada tribu te Israel te zuma pa he menge tanà diyà te Canaan he nepengevilin te menge Israilihanen:

Josue 19:51

Is mibahin duen te tanà iyan si Eleazar he memumuhat, si Josue he anak ni Nun, wey is menge pengulu te kada tribu ni Israel. Mibeelan dan heini pinaaǥi te kedripa ziyà te etuvangan te Nengazen diyà te Shilo, duen te ǥemawan te Tulda he Edtelevukaayan, ne nepasad dan en is kebahinbahin duen te tanà.

Numero 13:16

Iyan sikandan menge etew he midsuǥù ni Moises te kebpeniid diyà te Canaan. (Mid-ilisan ni Moises is ngazan ni Hoshea he anak ni Nun te Josue.)

Numero 34:16

Migkaǥi is Nengazen diyà te ki Moises te,

Numero 34:18

Ne pilì ka te sevaha he pengulu ziyà te kada tribu he ebpekeuǥup kandan te kebahin duen te tanà.”

Deuteronomio 1:38

Piru is timbang nu he si Josue he anak ni Nun, ne ebpekeseled mulà dutun te tanà. Ne desiǥa nu sikandin su iyan sikandin ebpengulu te menge Israilihanen te ked-angken keniyan he tanà.’

Josue 14:2

Midtuman dan is suǥù te Nengazen ki Moises, umbe sikan is siyam wey tengà he tribu mibahin diyà te kandan is tanà pinaaǥi te kedripa.

Numero 13:1

Migkaǥi is Nengazen diyà te ki Moises te,

Numero 13:3

Umbe, midtuman ni Moises haazà is insuǥù te Nengazen kandin. Impehendiyè din te Canaan is menge pengulu te menge Israilihanen puun diyà te sibsivayan he Paran.