Numero 34:12 - Manobo Western Bukidnon OT

¹² ne edtupang heini ziyà te Jordan, ne edunggù diyà te Daǥat he Minatey. “Iyan heini tanè niw, wey menge dulunè din diyà te peliǥuy.”

Numero 34:12 Marejeleo ya Msalaba

Numero 34:3

“Is dulunà diyà te zivavà iyan is sibsivayan he Zin, he dulunà te Edom. Ebpuun heini ziyà te zapit te zivavà he edsilaan he vahin te Daǥat he Minatey.

Genesis 14:3

Heini is lelima he hadì, ne midsevaha zan is menge sundaru zan diyà te Suǥud he Sidim he iyan guntaan sikan is Daǥat he Minatey.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Numero 34:11

ne ebpetupang pehendiyà te Ribla, he ziyà te edsilaan he vahin te Ain, ne edlaus heini ziyà te menge mibuntud-buntud he ziyà te edsilaan te Ranew te Galilea

Numero 34:13

Ne migkaǥi si Moises diyà te menge Israilihanen, “Behina niw heini is tanà he egkepengevilin niw pinaaǥi te ripa. Migkaǥi is Nengazen he ibeǥey heini ziyà te siyam wey tengà he tribu.

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

Josue 13:1

Hein utew en meǥurang si Josue, migkaǥi is Nengazen diyà te kandin te, “Meǥurang ke en utew, ne mahabet pa he menge tanà is kinahanglan he ed-eǥawen.

Josue 15:5

Is dulunà diyà te edsilaan ne iyan is Daǥat he Minatey taman te idsimbuwang te Wahig he Jordan. Is dulunà diyà te zizaya ebpuun daan diyà te idsimbuwang te Wahig he Jordan

Ezekiel 47:13

Migkaǥi is Nengazen he MEGBEVAYÀ te, “Iyan heini menge zulunà te tanà he ebehinen niw ziyà te 12 he menge tribu te Israel he egkepengevilin dan. Beǥayi niw te zezuwa he vahin is tribu ni Jose.