Numero 32:33 - Manobo Western Bukidnon OT

³³ Umbe, imbeǥey ni Moises te menge tribu ni Gad, ni Reuben, wey te ketengà he tribu ni Manase he anak ni Jose is ginhedian ni Sihon he hadì te menge Amorihanen wey is ginhedian ni Og he hadì diyà te Bashan; pudu zin imbeǥey is tivuuk he tanà he nesakup keniyan he menge ginhedian ragkes is menge inged wey menge lugar he nekeliǥuy kayi.

Numero 32:33 Marejeleo ya Msalaba

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

Josue 22:4

Ne ǥuntaan naangken en te zuma niw he menge Israilihanen is kelinew he insaad kandan te Nengazen. Umbe, ulì kew en diyà te keniyu he tanà he ziyè layun te Wahig he Jordan, duen te tanà he imbeǥey keniyu ni Moises he suluǥuen te Nengazen.

Deuteronomio 29:8

Mid-aǥew tew is tanè dan ne imbeǥey haazà diyà te menge tribu ni Reuben, ni Gad, wey ziyà te ketengà he tribu ni Manase he para egkepengevilin dan.

1 Cronica 26:32

Si Jeria ne zuen din 2,700 he menge kezuzumahi he zuen dan menge ketau wey menge pengulu sikandan te menge pemilya. Iyan sikandan impezumala ni Hadì David te menge kevuwazan ni Reuben, ni Gad, wey ketengà he tribu ni Manase. Ne iyan sikandan mid-atur te langun he vuluhaten te Megbevayà wey vuluhaten te hadì dutun he menge lugar.

1 Cronica 12:31

Is ebpuun te ketengà he tribu ni Manase: 18,000 he menge sundaru he midsuǥù he para mekeuǥup he mehimu he hadì si David.

1 Cronica 5:18

Duen menge 44,760 he menge sundaru te tribu ni Reuben, Gad wey ketengà he tribu ni Manase. Mibansey sikandan para te kebpekidtebek wey metau sikandan he egamit te kelasag, ispada, wey panà.

Numero 34:14

Su is tribu ni Reuben, ni Gad, wey is ketengà he tribu ni Manase, nekezawat en man te kandan he egkepengevilin diyà te zapit te edsilaan te Jordan he uvey te Jerico.”

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,

Numero 32:32

Tutuu kayi te ǥehinawa zey diyà te etuvangan te Nengazen is kedlayun te Jordan pehendiyà te Canaan te kebpekidtebek, piru is ebpengevilinen dey, iyan heini is tanà he zapit te edsilaan te Jordan.”

Josue 12:1

Nesakup en te menge Israilihanen is menge tanà diyà te edsilaan te Jordan, puun te zal-ug te Arnon taman te Buntud he Hermon, ragkes kayi is tanà diyà te edsilaan he vahin te Araba. Iyan heini menge hadì dutun he menge lugar he nezaag te menge Israilihanen: Si Sihon he Amorihanen he meǥinged diyà te Heshbon. Sakup te ginhedian din is ketengà te Gilead. Puun heini te Aroer he kilid te zal-ug te Arnon, ragkes en is inged diyà te teliwazà kayi he zal-ug taman te zal-ug te Jabok, he dulunà te menge Amunihanen.

Josue 14:3

Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.

Josue 22:7

(Is ketengà he tribu ni Manase ne mibeǥayan ni Moises te tanà diyà te Bashan, ne is ketengà pa ne mibeǥayan ni Josue te tanà diyà te zapit te edsenlepan te Jordan duma te zuma pa he menge tribu). Hein ed-ulì en sikandan mibpenubtuvazan sikandan ni Josue

1 Samuel 13:7

Ne is duma kandan ne midlayun te Wahig he Jordan, ne nemelaǥuy zan diyà te Gad wey ziyà te Gilead. Ne si Saul mulà, ne mibpelintetaǥak diyà te Gilgal, ne ebpengerkeren en te kegkahandek is menge zuma zin dutun.