Numero 29:8 - Manobo Western Bukidnon OT

⁸ Ne pemuhat kew te menge pemuhat he edtutungen he ebpekepenunuat te Nengazen is kehemut din: he sevaha he meemahan he nati he vaka, sevaha he meǥurang en he meemahan he kerehidu, wey pitu he nati he meemahan he menge kerehidu he tig senge-tuig is keǥurang dan. Ne langun kayi kinahanglan he wazè dan sazir.

Numero 29:8 Marejeleo ya Msalaba

Numero 29:13

Pemuhat kew te menge pemuhat he edtutungen he ebpekepenunuat te Nengazen is kehemut din. Diyà te egkehuna he andew iyan heini ipemuhat niw: 13 he turiti he vaka, dezuwa he meǥurang en he meemahan he menge kerehidu, wey 14 he nati he meemahan he menge kerehidu he tig senge-tuig is keǥurang dan. Ne heini is langun kinahanglan he wazè dan sazir.

Numero 28:19

Pemuhata niw is Nengazen te pemuhat he edtutungen he zezuwa he turiti he vaka, sevaha he meǥurang en he meemahan he kerehidu, wey pitu he nati he menge kerehidu he tig senge-tuig is keǥurang dan. Heini is langun kinahanglan he wazè dan sazir.

Numero 29:2

Dutun he andew, pemuhat kew te pemuhat he edtutungen he ebpekepenunuat te Nengazen is kehemut din. Is ibpemuhat kayi he pemuhat iyan is: sevaha he turiti he vaka, sevaha he meemahan he kerehidu he meǥurang en, pitu he meemahan he nati he menge kerehidu he tig senge-tuig is keǥurang dan. Ne heini is langun kinahanglan he wazè dan sazir.

Leviticus 22:20

Kenè kew mebpemuhat te zuen din sazir su kenè ku heini edewaten.

Numero 29:9

Dutun te kebpemuhat niw kayi, lepiki niw heini te pemuhat he para gasa he meupiya he kelasi te herina he midsehuǥan te lana–heenem he kilu is idlapik te kada turiti he vaka, heepat he kilu is para te meǥurang en he kerehidu,

Deuteronomio 15:21

Piru emun duen sazir zutun he uyaǥen, emun penenglitan piang etawa bulag etawa zuma he sazir, ne kinahanglan he kenè niw heini ipemuhat diyà te Nengazen he Megbevayè niw.

Deuteronomio 17:1

“Kenè niw pemuhata is Nengazen he Megbevayè niw te vaka etawa kerehidu he zuen din sazir, su utew mezaat is ked-isipa zin kayi.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.