Numero 28:25 - Manobo Western Bukidnon OT

²⁵ Ne emun ikepitu en he andew, ne tiǥum kew en maan te ked-azap te Nengazen, ne kenè kew terebahu zutun he andew.

Numero 28:25 Marejeleo ya Msalaba

Leviticus 23:8

Seled te pitu he andew pemuhatà niw is Nengazen te pemuhat pinaaǥi te hapuy. Ne zutun te ikepitu he andew ne kenè kew en maan terebahu, kekenà, tiǥum kew te ked-azap te Nengazen.

Numero 28:18

Duen te egkehuna he andew zutun te pista, ne tiǥum kew te ked-azap te Nengazen, ne kenè kew terebahu keniyan he andew.

Exodus 13:6

Iyan keena niw seled te pitu he andew is supas he wazè din tapey ne zutun te ikepitu he andew tukud kew te pista he para te Nengazen.

Exodus 12:16

Dutun te egkehuna he andew tiǥum kew te ked-azap kedì ne umana niw heini ul-ulaha zutun te ikepitu he andew. Kinahanglan he wazà duma he terebahu niw seled dutun te pitu he andew, kekenà, iyan dà is kebaal te egkekaan te uman sevaha keniyu.

Numero 29:35

“Dutun te ikewalu he andew te kedsilibra niw, sevaha kew te ked-azap te Nengazen ne kenè kew terebahu keniyan he andew.

Numero 29:12

“Dutun te ike-15 he andew te iyan ded he vulan, tiǥum kew en maan para te ked-azap te Nengazen ne kenè kew terebahu zutun he andew. Silibra kew te pista para te Nengazen seled te pitu he andew.

Numero 29:1

“Diyà te egkehuna he andew te ikepitu he vulan, tiǥum kew para te ked-azap te Nengazen, ne kenè kew terebahu. Iyan heini andew te kebpezaǥing niw te menge trumpita.

Numero 28:26

“Diyà te egkehuna he andew zutun te Pista te Kedraǥun, ne emun timpu en te kebpemuhat niw ziyà te Nengazen te veǥu he neraǥun niw he trigu, tiǥum kew te ked-azap te Nengazen ne kenè kew terebahu zutun he andew.

Leviticus 23:25

Kenè kew terebahu zutun he andew, kekenà, pemuhata niw is Nengazen te pemuhat pinaaǥi te hapuy.

Leviticus 23:21

Dutun he andew kenè kew medterebahu, kekenà, tiǥum kew te ked-azap te Nengazen. Heini he sulunuzen, ne kinahanglan he tumana niw taman te huziyan he lapis te menge kevuwazan niw, minsan hendei kew ed-ubpà.

Leviticus 23:3

Duen heenem he andew te kedterebahu niw, piru himeley kew ziyà te ikepitu he andew su iyan heeyan Andew te Kedhimeley. Kenè kew terebahu keniyan he andew, kekena, tiǥum kew para te ked-azap, su andew heeyan he ebeǥayan niw te zengeg is Nengazen.

Leviticus 23:7

Dutun te egkehuna he andew kayi te pista, ne kenè kew medterebahu, kekenà, tiǥum kew te ked-azap te Nengazen.

Deuteronomio 16:8

Kaan kew te supas he wazè din tapey seled te heenem he andew. Ne te ikepitu he andew, kenè kew terebahu, kekenà, tiǥum kew te ked-azap te Nengazen he Megbevayè niw.