Numero 28:15 - Manobo Western Bukidnon OT

¹⁵ Pemuhata niw zaan is Nengazen te sevaha he meemahan he kambing he pemuhat he para idlumpiyu. Beeli niw heini gawas duen te andew-andew he pemuhat he edtutungen wey zuen te pemuhat he inumen he zuma kayi.

Numero 28:15 Marejeleo ya Msalaba

Numero 28:3

‘Iyan heini menge pemuhat pinaaǥi te hapuy he ibpemuhat niw ziyà te Nengazen: dezuwa he kerehidu he senge-tuig is keǥurang dan he wazè dan sazir. Pemuhat heini he edtutungen kada andew.

Numero 28:22

Pemuhat kew zaan te meemahan he kambing he pemuhat para idlumpiyu para mepesaylu kew te menge salè niw.

Numero 15:24

Ne emun wazè niw tivevaa is kedrapas niw kayi, su wazè niw metueni he nekerapas kew, sikiyu wey is langun he keet-etawan mebpemuhat kew te sevaha he turiti he vaka he iyan pemuhat he edtutungen hein netuenan niw he nekesalè kew. Pemuhat heini he ebpekepenunuat kedì is kehemut din. Ilapik niw kayi is egkinehenglanen he pemuhat he para gasa wey pemuhat he inumen, wey sevaha he meemahan he kambing he pemuhat he para idlumpiyu.

Leviticus 16:15

Edlepaan din daan sikan is kambing he pemuhat he para idlumpiyu te menge etew. Ed-uwiten din is lengesa kayi ziyà te Utew Segradu he Lugar ne ibpirik din duen te tambun te Kavan te Kebpekid-uyun, iring duen te mibeelan din duen te lengesa te vaka.

Leviticus 4:23

Ne emun egketuenan din en he nekesalè bes sikandin, ne mebpemuhat sikandin te meemahan he kambing he wazè din sazir.

Genesis 37:31

Midhimatey sikandan te kambing ne midlupit dan te lengesa is bisti ni Jose.

Numero 28:14

Is kada pemuhat he turiti he vaka edlepikan te pemuhat he inumen he zezuwa he litru he vinu. Ne sikan is meǥurang en he kerehidu edlepikan te senge litru wey tengà he vinu. Ne is kada sevaha he nati he kerehidu edlepikan te senge litru he vinu. Iyan heini binulan he pemuhat he edtutungen he ibpemuhat niw kada egkehuna he andew te vulan seled te tivuuk he tuig.

Leviticus 16:16

Pinaaǥi kayi te ebeelan ni Aaron, egkelumpiyuwan is Utew Segradu he Lugar te kegkeremeriki zuen tenged te keremerik te menge Israilihanen wey tenged te menge salà dan wey menge kedsupak dan. Ebeelan din daan heini ziyà te zuma he vahin duen te tulda su ziyà man heini mekepelastar te teliwazà te kampu zan te menge meremerik.

Numero 28:30

Pemuhat kew zaan te sevaha he meemahan he kambing su wey kew mevelukasi tenged te menge salè niw.

Numero 29:5

Pemuhat kew zaan te sevaha he meemahan he kambing he pemuhat he para idlumpiyu su wey kew mevelukasi tenged te menge salè niw.

Numero 29:16

Pemuhat kew zaan te sevaha he meemahan he kambing he pemuhat he para idlumpiyu, he id-uman heini zuen te kada andew he pemuhat he edtutungen he edlepikan te pemuhat he para gasa wey pemuhat he inumen.