Numero 24:17 - Manobo Western Bukidnon OT

¹⁷ “Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

Numero 24:17 Marejeleo ya Msalaba

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

Zacarias 10:4

Ebpuun diyà te kandan is menge pengulu he iring te vatu he zutun ebpuuni is kedsukud, palpal te tulda, wey panà he para te tebek.

Salmo 45:6

Is ginhedian nu, Megbevayà, ebpedayun te wazà pidtemanan, ne metazeng is kedumelaha nu kayi.

1 Cronica 18:2

Nezaag daan ni David is menge Moabitanhen, wey midsakup din sikandan ne ebayad dan te vuhis diyà te kandin.

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Isaias 15:1

Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Salmo 110:2

Mahal he Hadì, ebpuun te Zion ibpemeluag te Nengazen is ginhedian nu, ne edhedian nu is menge kuntada nu.

2 Hadì 3:5

Piru hein minatey en si Ahab, nekidsukulà sikandin te hadì te Israel.

1 Samuel 14:38

Ne zutun migkeǥiyan ni Saul is menge pengulu te menge Israilihanen te, “Uvey kew kayi, su wey tew metueni ke hengkey he salà is neveelan tew te heini he andew.

Numero 21:29

Mekehizuhizu kew is menge tig-Moab! Nezeetan kew is ed-azap te ed-ezapen he si Kemosh. Sikiyu is menge anak din, mibey-anan din en he mevihag ni Sihon te hadì te menge Amorihanen.

Numero 24:16

Nezineg ku is lalag te Utew Lavew he Megbevayà, ne mibeǥayen e zin te ketau. Duen mibpelewasan kedì te Mekeǥeǥehem he Megbevayà. Mibpekevavà a ziyà te etuvangan din, ne impesavut e zin. Ne iyan heini menge lalag ku:

2 Samuel 8:14

Mibpevaal sikandin te menge kampu ziyà te tivuuk he Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.