Numero 24:10 - Manobo Western Bukidnon OT

¹⁰ Tenged dutun utew nepeuki ni Balak si Balaam. Midsumbag din is divaluy he palad din ne migkeǥiyan din si Balaam te, “Mibpesuǥuan ku sikew su wey nu merewaki is menge kuntada ku, piru nasì nu sikandan penubtuvazi te ketetelu.

Numero 24:10 Marejeleo ya Msalaba

Ezekiel 21:14

Umbe, sikew is etew, keǥiya nu is menge lalag ku. Sumbaǥa nu is palad nu he tuus te kegkepauk nu, ne kuwa ka te ispada ne itibas nu heini te kezezuwa etawa ketetelu he simbulu he mahabet kandan is ebpematey te tebek.

Numero 23:11

Migkaǥi si Balak diyà te ki Balaam te, “Hengkey heini is mibeelan nu kayi te kediey? Mibpeveyaan ku sikew wey nu merewaki is menge kuntada ku, piru mibpenubtuvazan nu hinuun!”

Ezekiel 22:13

“Menge tig-Jerusalem, edsumbaǥen ku is palad ku he tuus te utew ku kegkepauk tenged te kebpenapì niw wey kebpenhimatey.

Ezekiel 21:17

Edsumbaǥen ku zaan is palad ku he tuus te kegkepauk ku, ne egkaawà is pauk ku. Iyan a, is Nengazen, is migkaǥi kayi.”

Job 27:23

Ebpelakpak wey ebpemunsuwit te kedsudia kandin su naawà sikandin diyà te ubpeey zin.

Nehemias 13:2

Su ǥeina te wazè dan beǥayi te keenen wey inumen is menge Israilihanen hein migawas is menge Israilihanen puun te Ehipto. Kekenà, midsuhulan dan si Baalam su wey zin rewaki is menge Israilihanen. Piru is rawak kandan midhimu te Megbevayà he penuvadtuvad.

Numero 22:17

Edsuhulan ku sikew wey ebeelan ku is minsan hengkey he egkeǥiyan nu. Pekelalaglalag ka ne hendini ke en ne rewaki nu heini he menge etew para kediey.’ ”

Numero 22:11

‘Duen menge etew he ebpuun diyà te Ehipto he utew mezakel. Umbe hendini ka ǥuntaan ne rewaki nu sikandan para kedì. Su kela ke mezaag ku zed sikandan ne egkesegseg ku pehendiyà te meziyù.’ ”

Numero 22:6

Umbe hendini ka ǥuntaan ne rewaki nu heini he menge etew, su edhuna sikandan he gemhanan kenami. Su kela ke mezaag ku zed sikandan ne egkesegseg ku puun kayi te tanè ku. Su netuenan ku he egketuman is ibpenuvadtuvad nu wey is idrawak nu te minsan hentei.”

Numero 24:9

Iring sikandan te menge erimaung he emun ebpekelipezeng en ne wazè en ebpeǥaruǥaru he ebpukew kandan. Edtuvazan is ebpenuvadtuvad kandan ne edrewakan is ebpenrawak kandan.”

Numero 24:11

Ne ǥuntaan ulì ke en! Migkaǥi a he edsuhulan ku sikew te meupiya, piru kenà edtuǥut is Nengazen he maangken nu is suhul.”

Deuteronomio 23:6

Mintras uuyag kew pa ne kenè niw tevangi is menge Amunihanen etawa menge Moabitanhen te minsan hengkey he paaǥi.