Numero 23:24 - Manobo Western Bukidnon OT

²⁴ Heini he menge etew iring te erimaung he andam he edawi ne kenà edhimeley taman te egkekaan din is ebiktimahan din wey egkesupsup din is lengesa kayi.”

Numero 23:24 Marejeleo ya Msalaba

Genesis 49:9

Iring ka te nati he erimaung he ebpekaahà te edewiyen din, ne edlikù sikandin diyà te elesè din, ne ziyà sikandin edleku. Ne wazà minsan hentei he ebpekesamuk kandin.

Genesis 49:27

“Sikew Benjamin, iring ka te zumezaas he asu, he maandew wey mezukilem is kebpenhimatey zin wey kegkaan.”

Zacarias 12:6

“Dutun daan he andew edhimuwen ku is menge pengulu te Juda he iring te egkeregreg he vaǥa ziyà te rapug etawa vinagkes he seresag he mesiǥa. Edezeetan dan is menge nasyun diyà te peliǥuy zan. Ne kenè mulà egkemenu is menge etew ziyà te Jerusalem dutun te kandan he lugar.

Numero 24:17

“Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

Nahum 2:11

Is Nineve iring te surung he mid-ubpaan te senge paris he erimaung, wey menge anak dan. Kunaan dan ke wazà ebpekekaid kandan dutun te surung. Edhimetayan wey ebpitpitasen duen te meemahan he erimaung is egkezawi zin ne ibpemeǥey zin diyà te esawa zin wey menge anak dan. Ebpenuen din is surung din te sapù te egkezawi zin. Piru ǥuntaan, edezeetan en is Nineve.

Amos 3:8

Hentei man is kenà egkahandek emun edhiniǥer is erimaung? Hentei man is kenà ebpekekaǥi te menge lalag te Nengazen he MEGBEVAYÀ emun iyan en is Nengazen he MEGBEVAYÀ ebpekaǥi kandin?

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Isaias 31:4

Iyan heini migkaǥi te Nengazen kayi te kedì, “Wazà ebpekeeǥen te erimaung te kedawi te edewiyen din minsan ebpengulahì pa is menge ebantey zutun te edewiyen. Ne iring daan kediey, wazà ebpekeeǥen kedì te kedipinsahi ku te Buvungan he Zion.

Erubasa 30:30

is erimaung, iyan utew mezesen te langun he langgam he wazà igkahandek,

Salmo 17:12

Iring sikandan te ed-ayan he erimaung diyà te elesè din, he andam he ebpitaspitas te egkezawi zin.

Deuteronomio 33:20

Mehitenged te tribu ni Gad, migkaǥi si Moises te, “Eedeliǥen is Megbevayà he mibpekeluag te tanà te tribu ni Gad! Ed-ubpà sikandan kayi he tanà he andam he ed-upangis te vekelawan etawa ulu te menge kuntada zan.

Numero 23:25

Ne migkaǥi si Balak diyà te ki Balaam te, “Emun kenè nu sikandan edrewakan ne kenè nu zaan tuvazi!”

1 Hadì 10:20

Ne zuen daan dutun ledawan te erimaung diyà te pesikilizà te kada huntù. 12 langun he menge ledawan te erimaung is dutun te heenem he huntù. Wazà ebpekeiring kayi he pinuuwà te kedhadì diyà te minsan hendei he ginhedian.

2 Cronica 9:18

Heenem he huntù haazà is pinuuwà, ne zuen bulawan he untuzà te paa. Ne kada kilid te untuzà te velad ne zuen dutun ledawan te edhitindeg he erimaung.