Numero 23:2 - Manobo Western Bukidnon OT

² Ne midtuman ni Balak is migkaǥi ni Balaam, ne nemuhat dan is dezuwa te tudu he vaka wey meemahan he kerehidu ziyà te kada pemuhatà.

Numero 23:2 Marejeleo ya Msalaba

Numero 23:30

Ne mibeelan ni Balak is migkaǥi ni Balaam, ne nemuhat sikandin te tigselimbaha he vaka wey kerehidu ziyà te kada pemuhatà.

Numero 23:14

Umbe, miduma ni Balak si Balaam diyà te sevaha he vevesukà diyà te Zofim, he ziyà te puntur te Pisga, ne zutun mibpevaal sikandan te pitu he pemuhatà ne nemuhat dan te pitu he tudu he vaka wey pitu he kerehidu, tigselimbaha ziyà te kada pemuhatà.

Numero 23:1

Migkeǥiyan ni Balaam si Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu he memeǥurang en.”

Numero 23:3

Ne migkaǥi si Balaam diyà te ki Balak te, “Hitindeg ka ziyà te avey te pemuhat nu he edtutungen su egenat a dèpa. Su kela ke mebpekidhingume kedì is Nengazen. Egkeǥiyen ku zà kenikew ke hengkey is egkeǥiyen din kayi te kedì.” Umbe midtekezeg sikandin diyà te mehiǥawan he vuvungan.

Ezekiel 45:23

Kada andew seled te pitu he andew zutun te kedsilibra niw, ne mebpemuhat kayi te kedì is pengulu te pitu he turiti he vaka wey pitu he meemahan he kerehidu he wazè din sazir he pemuhat he edtutungen. Mebpemuhat daan sikandin te sevaha he meemahan he kambing he pemuhat he para idlumpiyu.

Numero 23:29

Migkaǥi si Balaam diyà te ki Balak te, “Peveeli a kayi te pitu he pemuhatà, ne endami a te pitu he tudu he vaka wey pitu he meemahan he kerehidu para kedì.”