Numero 23:17 - Manobo Western Bukidnon OT

¹⁷ Umbe, midlikù si Balaam diyà te ki Balak, ne neehè din heini he edhithitindeg diyà te avey te pemuhat din he midtutung, duma te menge pengulu te Moab. Mid-insà si Balak diyà te ki Balaam te, “Hengkey is migkaǥi te Nengazen diyà te kenikew?”

Numero 23:17 Marejeleo ya Msalaba

Jeremias 37:17

Ne mibpeveyaan sikandin ni Hadì Zedekia ne impezuma zin diyà te turuǥan. Mid-insaan sikandin ni Zedekia te meelas. Ke sikandin te, “Duen be menge lalag nu he ebpuun diyà te Nengazen?” Ne midtavak si Jeremias te, “Uya, duen. Ibeǥey ka ziyà te hadì te Babilonia.”

1 Samuel 3:17

Migkaǥi si Eli te, “Hengkey is migkaǥi kenikew te Nengazen? Kenè nu i-eles kedì. Utew mereǥen is silut kenikew te Megbevayà emun kenè nu ibpenudtul is langun he migkaǥi zin kenikew.”

Numero 23:26

Ne midtavak si Balaam te, “Kenè be migkaǥi ku en diyà te kenikew he kinahanglan he ebeelan ku is egkeǥiyen te Nengazen kayi te kedì?”

Numero 23:16

Ne nekidhinguma is Nengazen ki Balaam ne migkaǥi zin is ibpekaǥi zin ki Balaam. Ne migkeǥiyan din te, “Likù ka ziyà te ki Balak ne keǥiya nu heini he menge lalag.”

Numero 23:18

Migkaǥi si Balaam te, “Hendini ka Balak he anak ni Zipor, ne pemineǥa a kenikew.