Numero 22:36 - Manobo Western Bukidnon OT

³⁶ Ne hein netuenan ni Balak he ebpelinggume en si Balaam, midsinuǥung sikandin diyà te sevaha he inged diyà te Moab he uvey te Arnon he dulunà te tanè din.

Numero 22:36 Marejeleo ya Msalaba

Jeremias 48:20

Ne edtavak dan te, ‘Nezeetan en is Moab, ne nepeel-elezan en is menge etew zuen. Umbe keseeng kew wey sineǥew kew. Kulehia niw is menge tig-Arnon he nezeetan en is Moab.’

Isaias 16:2

Is menge vahi he menge tig-Moab he ziyà te repasan te Arnon neiring sikandan te menge tagbis he mibuǥew puun te menge salag dan.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.

Deuteronomio 3:8

“Naaǥew tew zuen te zezuwa he hadì he menge Amorihanen is tanà diyà te Jordan he zapit te edsilaan puun te zal-ug he Arnon pehendiyà te Buntud he Hermon.

Deuteronomio 2:24

“Ne migkaǥi is Nengazen te, ‘Layun kew te zal-ug he Arnon. Ibeǥey ku keniyu si Sihon is Amorihanen he hadì diyà te Heshbon, wey is tanè din. Surunga niw sikandin ne engkena niw is tanè din.

Exodus 18:7

Ne tenged kayi midsinuǥung ni Moises is enuǥang din diyà te ǥawas ne midluhud sikandin diyà te etuvangan te enuǥang din wey midhezekan din daan. Ne mibpeinseey sikandan mehitenged te kebpekesavuk te uman sevaha kandan, ne zutun midseled dan diyà te tulda.

Genesis 46:29

impaandam ni Jose is kerwahi zin, ne mid-untud sikandin su egenat te kedtelavuk te amey zin diyà te Goshen. Ne hein nekeuma si Jose migkepkepan din is amey zin ne utew neuǥet is kedsineǥew zin.

Genesis 18:2

Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Genesis 14:17

Ne zutun te ed-ulì en si Abram he ebpuun te kedeeǥa zin ki Kedorlaomer wey is menge zuma he hadì, midsinuǥung sikandin te hadì te inged he Sodom. Diyè din sinuǥunga te Suǥud he Shave he egngezanan daan te Suǥud te Hadì.

1 Samuel 13:10

Hein egkepasad en dutun is kebpemuhat din ne nekeuma si Samuel. Midliǥawang si Saul ne migelǥelawan din,

Numero 22:35

Migkaǥi haazà is belinsuǥuen te Nengazen te, “Duma ka keniyan te menge etew, piru iyan nu zà keǥiya is egkeǥiyen ku ziyà te kenikew.” Umbe miduma si Balaam dutun te menge pengulu ni Balak.

Numero 22:37

Migkaǥi si Balak diyà te ki Balaam te, “Kenè be migkaǥi a he ibpeǥaanggaan ka? Maan is wazè ka mediritsu medhendini? Egkeisip nu ve he kenè ku sikew edsuhulan?”