Numero 21:7 - Manobo Western Bukidnon OT

⁷ Midhendiyà is menge etew te ki Moises ne ke sikandan te, “Nekesalè key su mezaat is menge lalag dey mehitenged te Nengazen wey kenikew. Iampù nu te Nengazen he iawè din diyà te kenami heini is menge uled.” Umbe mid-ampù si Moises para te menge etew.

Numero 21:7 Marejeleo ya Msalaba

Salmo 78:34

Ne hein mibpenhimetayan din is duma kandan, ne is duma zuen te nengesamà, midsendit dan ne midangep dan diyà te kandin ne zekelà is suat dan te tavang din.

Numero 11:2

Tenged kayi mibuyù te penavang is menge Israilihanen diyà te ki Moises, ne mid-ampù si Moises diyà te Nengazen, ne neevukan haazà is hapuy.

Exodus 8:8

Ne mibpesuǥuan te hadì te Ehipto si Moises wey si Aaron ne migkeǥiyan din te, “Ampù kew ziyà te Nengazen he iawè din heini is menge vakbak kayi te kediey wey te menge etew ku, ne edtuǥutan ku te kegenat is menge zuma niw su wey zan mepemuhat is Nengazen.”

1 Hadì 13:6

Ne migkaǥi haazà is hadì dutun te suluǥuen te Megbevayà te, “Iampù a kenikew ziyà te Nengazen he Megbevayè nu he vewii zin is belad ku.” Umbe mid-ampù haazà is suluǥuen te Megbevayà diyà te Nengazen, ne neulian is belad dutun te hadì.

Exodus 8:28

Ne migkaǥi is hadì te, “Edtuǥutan ku sikiyu te kedhendiyà te sibsivayan su wey niw mepemuhat is Nengazen he Megbevayè niw, piru kinahanglan he kenè kew edhendiyà te utew meziyù. Ne iampù e en keniyu.”

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Jeremias 37:3

Ne midsuǥù ni Hadì Zedekia si Jehucal he anak ni Shelemia wey is memumuhat he si Zefanias he anak ni Maasea he medhendiyà te ki Jeremias he ebpeneuven, ne hengyui zan sikandin he mebpengemuyù diyà te Nengazen he Megbevayè dan para kandan.

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Salmo 106:23

Edezeetan en pezem te Megbevayà is menge etew zin ke wazà mebpeteliwazà si Moises is suluǥuen din he midhangyù he eǥena zin is pauk din ne kenè din leusa te edezaat sikandan.

Job 42:10

Ne hein ingkaampù ni Job haazà is menge emiǥu zin, impeuman sikandin ipeuswag te Nengazen ne midtakep din sikan is nehuna he imbeǥey zin ki Job.

Job 42:8

Umbe, ǥuntaan kuwa kew te pitu he tudu he vaka wey pitu he meemahan he kerehidu ne hendiyè kew te ki Job, ne ipemuhat niw heini he pemuhat he edtutungen para te keugelingen niw. Id-ampù kew ni Job ne edtevaken ku is ampù din ne kenè ku sikiyu edsilutan te silut he ereg te kedtinurebung niw. Kenè kew iring te suluǥuen ku he si Job su wazè kew mulà megkaǥi te tutuu mehitenged kedì.”

1 Samuel 15:30

Midtavak si Saul te, “Nekesalà a. Piru edhangyù a he kenè nu zèdeeti is dengeg ku kayi te menge ebpemendumala te keet-etawan ku wey etuvangan te tivuuk he Israel pinaaǥi te kedumahi nu kedì te ked-azap te Nengazen he Megbevayè nu.”

1 Samuel 15:24

Ne migkaǥi si Saul ziyà te ki Samuel te, “Nekesalà a; midsupak ku is suǥù te Nengazen wey is menge migkaǥi nu kayi te kedì. Nahandek a te menge etew, umbe mibpezumdumahan ku sikandan.

Deuteronomio 9:20

Dutun dekelà is pauk te Nengazen ki Aaron ne egkesuatan din en te edhimatey, piru zutun he timpu nengemuyù a para kandin.

Exodus 32:30

Ne hein sunud he andew, migkeǥiyan ni Moises sikan is menge etew te, “Nekevaal kew te zekelà he salà. Piru edtekezeg a ǥuntaan kayi te vuvungan, diyà te Nengazen, su kela ke pezumdumahi zin ded is hangyù ku he peseyluwa kew zin te salè niw.”

Exodus 32:11

Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?

Genesis 20:7

Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”

Genesis 20:17

Tenged te kegkuwaa ni Abimelec ki Sara, mibpengelinteuwan te Megbevayà he kenà mekaanak is langun he menge vahi zutun te valey zin. Umbe mid-ampù si Abraham diyà te Megbevayà, ne mibpengelinteuwan te Megbevayà he meulii si Abimelec te zaru zin wey is esawa zin wey is menge uripen din he vahi su wey zan mekeuman mekaanak.

2 Hadì 13:4

Mibpengemuyù si Jehoahaz diyà te Nengazen, ne mibpemineg kandin is Nengazen, su naahà te Nengazen is utew subra he kedlisliseza te hadì diyà te Aram te menge Israilihanen.

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Exodus 8:4

Edlingketawan ka te menge bakbak wey is menge etew nu wey elin is menge upisyal nu.’ ”

Exodus 10:17

Umbe, peseyluwa ad maan keniyu tenged te salè ku te minsan kesevaha zà, ne ampù kew ziyà te Nengazen he Megbevayè niw he iawè din heini is ebpekepatey he pigada.”