Numero 21:33 - Manobo Western Bukidnon OT

³³ Ne liwas dutun, midhendiyè dan en maan te Bashan. Piru midsurung sikandan ni Hadì Og he hadì te Bashan wey te langun he menge sundaru zin hein diyè dan pa te Edrei.

Numero 21:33 Marejeleo ya Msalaba

Josue 13:12

Ragkes daan is tivuuk he ginhedian ni Og, he midhadì diyà te Ashtarot wey ziyà te Edrei. Si Og, ne sevaha te nesamà te menge kevuwazan te menge Ripanhen he midaag ni Moises ne midsegseg din sikandan puun te tanè dan.

Deuteronomio 29:7

“Hein kebpekeuma tew kayi he lugar, mibpekidtebek kenitew si Hadì Sihon he hadì te Heshbon wey si Hadì Og he hadì te Bashan, piru nezaag tew sikandan.

Deuteronomio 1:4

Neulaula heini hein neipus is kegkezaaǥa ni Moises ki Sihon he hadì te menge Amorihanen, he ziyà ed-ubpà te Heshbon, wey ki Og is hadì diyà te Bashan, he ed-ubpà diyà te Ashtarot wey Edrei.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Ezekiel 27:6

Ne menge kayu he ulayan he ebpuun diyà te Bashan is menge vegsey nu. Ne menge kayu he sipris he ebpuun diyà te balet he Kitim is saag nu, ne mibpekeplaan heini te dayandayan he ungal te ilipanti.

Isaias 33:9

Nezeetan is tanà he Israel. Nengeǥangu is menge kayu ziyà te Lebanon, ne ke và dà etew ne neeled-eled heini. Neiring te sibsivayan is menge suǥud diyà te Sharon. Netaktak is menge zahun te menge kayu ziyà te Bashan wey Carmel.

Salmo 68:15

Utew mekempet is Buntud he Bashan; mahabet is menge vuvungan dutun.

Salmo 22:12

Edliǥuyan a te menge kuntada ku, iring sikandan te memezesen he tudu he vaka ziyà te tanà he Bashan.

Josue 13:30

Puun te Mahanaim, pehendiyà te tivuuk he Bashan, kes tivuuk he ginhedian ni Hadì Og he hadì te Bashan, wey is 60 he menge inged diyà te Jair he sakup te Bashan.

Josue 12:4

Is ikezuwa ne iyan si Og, is hadì diyà te Bashan. Sevaha sikandin te nesamà he menge kevuwazan te menge Ripanhen. Meǥinged sikandin diyà te Ashtarot wey ziyà te Edrei.

Josue 9:10

wey is langun he mibeelan din duen te zezuwa he Amorihanen he hadì he ziyà dapit te edsilaan he iyan si Hadì Sihon he hadì te Heshbon, wey si Hadì Og he hadì te Bashan he ed-ubpà diyà te Ashtarot.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.

Deuteronomio 4:47

Mid-aǥew eni Moises is tanè din wey is tanà ni Hadì Og he hadì te Bashan. Iyan heini sikandan dezuwa he menge Amorihanen he menge hadì he ziyà te zapit te edsilaan te Jordan.

Numero 32:33

Umbe, imbeǥey ni Moises te menge tribu ni Gad, ni Reuben, wey te ketengà he tribu ni Manase he anak ni Jose is ginhedian ni Sihon he hadì te menge Amorihanen wey is ginhedian ni Og he hadì diyà te Bashan; pudu zin imbeǥey is tivuuk he tanà he nesakup keniyan he menge ginhedian ragkes is menge inged wey menge lugar he nekeliǥuy kayi.

Salmo 68:22

Migkaǥi is Nengazen te, “Ibpelikù ku is menge kuntada ku he ebpuun diyà te Bashan; ibpelikù ku sikandan ebpuun diyà te zizalem te zaǥat,

Salmo 135:11

iring ki Sihon te hadì te menge Amorihanen, ki Og he hadì diyà te Bashan, wey is langun he menge hadì diyà te Canaan.

Salmo 136:20

Midhimetayan din daan si Og, is hadì te Bashan. Wazà pidtemanan te ǥaǥew zin.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.