Numero 20:25 - Manobo Western Bukidnon OT

²⁵ Guntaan, Moises, dumaha nu si Aaron wey is anak din he si Eleazar ziyà te Buntud he Hor.

Numero 20:25 Marejeleo ya Msalaba

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.

Deuteronomio 10:6

Ne migenat is menge Israilihanen puun te menge teheb te menge tig-Jaakan ne midhendiyè dan te Mosera. Ne zutun mebpatey si Aaron ne zutun dan sikandin ileveng. Ne is anak din he si Eleazar iyan nehimu he lavew he memumuhat su iyan mid-ilis kandin.

Leviticus 10:6

Ne migkaǥi si Moises diyà te ki Aaron wey ziyà te menge anak din he si Eleazar wey si Itamar te, “Kenè niw vey-ani he egkeǥuseng is bulvul niw etawa ebindasen niw is menge kumbalè niw te kebpekilala he idlalew niw is minatey. Emun ebeelan niw heeyan, ne ebpatey kew ne egkepeukan te Nengazen is langun he menge Israilihanen. Is langun he menge etew te Israel he menge kezuzumahi niw, ne iyan mulà sikandan medlalew para keniyan te zezuwa he midtutung te Nengazen.