Numero 19:11 - Manobo Western Bukidnon OT

¹¹ “Is minsan hentei he ebpekeǥawed te minatey, ed-isipen he meremerik seled te pitu he andew.

Numero 19:11 Marejeleo ya Msalaba

Isaias 52:11

Sikiyu is ed-uwit te menge gelemiten diyà te valey te Nengazen, awè kew en diyà te Babilonia! Gawas kew en keniyan! Kenè kew ǥawed te ed-isipen he meremerik. Gawas kew en diyà te Babilonia, ne mebpekewaǥas kew.

Penhulùhulù 4:14

Ne ǥuntaan, iring sikandan te menge lakap he ebpemenamsam diyà te menge zalan. Nezekiyan te lengesa is menge visti zan, umbe wazè en egkeluvus he egawed kandan.

Ezekiel 39:12

“ ‘Pitu he vulan is kedlevenga kandan te menge Israilihanen te kedlumpiyu zutun te tanà.

Ezekiel 44:26

Emun ebpekesamsam dan te minatey, kinahanglan he mebpekelumpiyu sikandan wey medtaǥad dan te pitu he andew,

Leviticus 21:1

Midsuǥù te Nengazen si Moises he keǥiya zin heini ziyà te menge memumuhat he kevuwazan ni Aaron: Kenè niw remeriki is keugelingen niw pinaaǥi te kedtampu te kedlevenga te iring niw he Israilihanen,

Leviticus 21:11

Kinahanglan he edsenggilahan din is kebpekesamsam te minatey, minsan pa ke amey zin etawa iney zin.

Leviticus 22:4

Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin.

Leviticus 5:2

Emun duen nekeǥawed te minsan hengkey he mid-isip he meremerik, he iring te minatey he meremerik he menge langgam, nekesalà sikandin wey neremerikan sikandin minsan wazè din metueni he nekeǥawed sikandin.

Haggai 2:13

Ne mid-insà si Haggai te, “Ne emun iyan nekezegkit kayi he menge keenen is etew he mid-isip he meremerik su nekesamsam sikandin te minatey, egkehimu ve he meremerik heini he menge keenen?” Ne midtavak is menge memumuhat te, “Uya!”

Numero 19:16

“Ed-isipen daan he meremerik seled te pitu he andew is minsan hentei he ziyà te gawas te kampu he nekeǥawed te etew he minatey pinaaǥi te ispada etawa netural he kemetayen. Iring din daan is nekesamsam te tulan te etew he minatey etawa leveng.

Numero 31:19

Is langun keniyu he nekepatey etawa nekesamsam te minatey, kinahanglan he kayi zà te gawas te kampu seled te pitu he andew. Dutun iketelu wey ikepitu he andew, kinahanglan he mebpekelumpiyu kew wey is menge vihag niw.

Numero 5:2

“Mendui nu is menge Israilihanen he ibpeǥawas diyà te kampu is minsan hentei he zuen melimezang he zaru te lundis din, etawa zuen egawas diyà te sudiyè din tenged te zaru, etawa nehimu he meremerik su nekeǥawed te minatey.

Numero 6:6

Dutun te wazè din pa mepasad is penaad din te kebpenilbi te Nengazen, kinahanglan he kenà sikandin med-uvey te minatey,

Numero 9:10

“Keǥiyi nu is menge Israilihanen he minsan hentei kandan guntaan wey is huziyan he menge kevuwazan dan he egkehimu he meremerik su nekeǥawed te minatey etawa ziyà sikandin te hipenawan dutun te timpu te kedsilibra, ebpekehimu ǥihapun he edsilibra te Pista te Kedlavey te Belinsuǥuen.

Numero 9:6

Piru zuen duma kandan he wazà meketampu zutun te pista, su geina te zutun he andew nehimu sikandan he meremerik su nekeǥawed dan te minatey. Umbe zutun he andew midhendiyà sikandan te ki Moises wey ki Aaron.