Numero 18:15 - Manobo Western Bukidnon OT

¹⁵ Is langun he kinekekayan he anak he maama, etew man etawa uyaǥen, he idhalad kayi te kediey ne keniyu zaan. Piru kinahanglan he ibpelekat niw is menge kinekekayan he menge anak he maama wey is menge kinekekayan he menge uyaǥen he ed-isipen he meremerik.

Numero 18:15 Marejeleo ya Msalaba

Exodus 34:20

Egkehimu he edlekaten niw is penganey te menge asnu niw pinaaǥi te kebpemuhata niw kayi te kedì te nati he kerehidu. Iyan, emun kenè niw edlekaten, kinahanglan he edhimetayan niw haazà is asnu pinaaǥi te kebunggua niw zuen. Kinahanglan daan he edlekaten niw is penganey he menge anak niw he maama. “Kinahanglan he wazà mebpekid-etuvang kedì he wazè din igkahalad.

Exodus 13:2

“Ipehinungud niw kedì is kada penganey he maama te menge anak niw wey is kada meemahan he egkehuna he anak te menge uyaǥen niw su migaked ku en heini.”

Numero 3:46

Geina te midsubra te 273 is kinekekayan he maama he menge anak te menge Israilihanen kenà te menge kevuwazan ni Levi, kinahanglan he edlekaten sikandan.

Numero 3:13

Su kediey man is langun he kinekekayan he maama kayi te Israel. Hein mibpenhimetayan ku is langun he kinekekayan he maama ziyà te Ehipto, ne intapid ku en he para kedì is langun he kinekekayan he maama kayi te Israel, etew etawa uyaǥen. Umbe ǥaked ku sikandan. Iyan a kes Nengazen.”

Exodus 22:29

“Kenè niw lipati is kebeǥey te halad kayi te kedì he ebpuun te neraǥun niw, menge vinu, wey menge lana. “Ipehinungud niw kedì is penganey he anak niw he menge maama.

Exodus 13:15

Su hein kenè kiw edtuǥutan te hadì te kegenat, midhimetayan te Nengazen is langun he penganey he menge anak he maama diyà te Ehipto, wey minsan is meemahan he menge penganey te menge uyaǥen dan. Umbe, ibpemuhat tew ziyà te Nengazen is menge meemahan he penganey he menge uyaǥen tew ne ebelukasan tew is penganey he menge anak tew he maama.’

Numero 18:16

Ipelekat niw heini emun senge vulan en is keǥurang dan, ne kinahanglan he ipelekat niw heini te lelima he vuuk he pelata, he ibpesikad diyà te keveǥat te pelata ziyà te timbangan he egemiten te menge memumuhat.

Deuteronomio 15:19

“Isivey niw he para te Nengazen he Megbevayè niw is kinekekayan he meemahan te menge uyaǥen niw. Kenè niw iterebahu is kinekekayan te menge vaka niw wey kenè niw eluti is kinekekayan te menge kerehidu niw.

2 Hadì 12:5

Ne ǥemita niw heini para te kebpurungi zuen te valey te Nengazen.”

Nehemias 10:37

Midsaad key pa he idata zey ziyà te menge memumuhat, diyà te budiga ziyà te valey te Megbevayè dey, is kineupiyahan he klasi te herina wey zuma he menge halad he para gasa. Ed-uwiten dey zaan is kineupiyahan he menge prutas dey, wey is kineupiyahan he veǥu he vinu, wey lana he ulibu. Ed-uwiten dey zaan diyà te menge Levihanen is ikepulù te menge abut dey, su iyan sikandan ebpengulikta te ikepulù diyà te langun he menge inged he zuen duen menge vevesukà. Emun ebpengulikte en te ikepulù is menge Levihanen,