Numero 15:14 - Manobo Western Bukidnon OT

¹⁴ Ne is kenà menge Israilihanen he ed-ubpà duma keniyu, pirmeninti etawa kenà, he egkesuat he ebpemuhat te pemuhat pinaaǥi te hapuy he mehemut he pemuhat he ebpekepenunuat kedì, kinahanglan he edsunud dan daan keniyan he menge sulunuzen.

Numero 15:14 Marejeleo ya Msalaba

Leviticus 22:18

he keǥiya zin heini ziyà te ki Aaron wey ziyà te maama he menge anak din, diyà te iring dan he menge Israilihanen, wey ragkes is kenà menge Israilihanen he mid-ubpà duma kandan: Emun is pemuhat he edtutungen iyan ibpemuhat niw he pemuhat para te kedtuman te sevaha he penaad etawa pemuhat he keugelingen he suat,

Numero 15:13

“Is langun he tutuu he Israilihanen he ebpemuhat te menge pemuhat pinaaǥi te hapuy he mehemut he pemuhat he ebpekepenunuat kedì, kinahanglan he edsunud keniyan he menge sulunuzen.

Numero 15:15

Sikiyu is menge Israilihanen wey kenà menge Israilihanen he mid-ubpà duma keniyu ne neked-iring dà kayi te etuvangan ku, ne neked-iring dà he kesuǥuan is edtumanen niw. Heini he sulunuzen kinahanglan he tumana niw taman te huziyan he lapis te menge kevuwazan.

Leviticus 22:25

Ne kenè kew zaan mebpemasa te iring keniyan he kelasi te uyaǥen diyà te menge lumelengyawà te ibpemuhat niw kayi te kedì, su kenè ku heeyan edewaten.