Numero 14:44 - Manobo Western Bukidnon OT

⁴⁴ Piru midhendiyà gihapun sikandan te menge vuvungan te Canaan minsan kenè dan duma si Moises wey sikan is Kavan te Kebpekid-uyun te Nengazen kandan.

Numero 14:44 Marejeleo ya Msalaba

Deuteronomio 1:43

“Ne iyan haazà migkaǥi ku ziyà te keniyu, piru wazà a keniyu pemineǥa. Midsupak niw is suǥù te Nengazen, tenged te kebmepedeligen niw nenurung kew zuen te vuvungan.

Numero 31:6

Midsuǥù sikandan ni Moises pehendiyà te tebek, 1,000 is ebpuun diyà te kada tribu, he ebpenguluwan ni Finehas he anak ni Eleazar te memumuhat. Mid-uwit si Finehas te menge gelemiten he ebpuun diyà te Tulda he Edtelevukaayan wey menge trumpita he egemiten te kebmandar.

Numero 15:30

“Piru sikan is midtivevà is kebaal zin te salà, Israilihanen man etawa kenà, ne midsumpalit e zin. Ne kinahanglan he kenè en sikandin egkilelaan he zuma niw.

Numero 10:33

Umbe, mid-awà sikandan puun te vuntud te Nengazen ne midhipanew sikandan seled te tetelu he andew. Layun diyà te egkehunaan dan sikan is Kavan te Kebpekid-uyun su wey zan meturedu is lugar he egkehimelayan dan.

Numero 14:43

Emun ebpekidtebek keniyu is menge Canaanhen wey menge Amalikanhen ne ebpemematey kew; kenà ebpekiduma is Nengazen keniyu su inselikwey niw sikandin.”