Numero 14:34 - Manobo Western Bukidnon OT

³⁴ Ne geina te 40 he andew is kebpeniizi te menge meniniid duen te tanà, ne ebpekaantus kew zaan te 40 he tuig tenged te menge salè niw, wey niw metueni ke hengkey is ebeelan ku ke egkepeukan ku is ebpekigkuntada kedì.

Numero 14:34 Marejeleo ya Msalaba

Ezekiel 4:6

Ne kegkepasad dutun, tengkilid ka zapit te kewanan nu ne tianga nu zaan is salà te menge etew te Juda seled te 40 he andew; is senga andew ebpesavut gihapun te senge-tuig.

Numero 13:25

Ne hein nepasad is 40 he andew te kebpeniid dan dutun te tanà, midlikù sikandan

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Salmo 95:10

Ne seled te 40 he tuig is kegkepeuki ku zutun he lapis te kevuwazan. Ne migkaǥi ku he mid-iniyuǥan a zutun he menge etew ne wazè dan sunuza is impenurù ku kandan.

2 Cronica 36:21

Umbe, netuman is migkaǥi te Nengazen pinaaǥi te ebpeneuven he si Jeremias he egkehimu he mekevulungbulung haazà is tanà ne ebpekehimeley heini seled te 70 he tuig.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

Zacarias 11:10

Ne migkuwa ku sikan is tuked he migngezanan te Keupiya ne mibadtì ku heini he tuus te kenè en edleusen te Nengazen is kebpekid-uyun din te langun he menge etew.

Ezekiel 14:10

Pudu ku edsiluti is ebpeneuven wey is ebpenginginsà diyà te kandin mehitenged te menge lalag.

Salmo 105:42

Ne mibeelan heini te Megbevayà is langun su wazè din lipati sikan is insaad din diyà te ki Abraham te suluǥuen din.

Salmo 77:8

Kela ke naawè en is kebmahala zin kenami? Kenè din en buwa edtumanen is penangdù din?

Salmo 38:4

Henduen be te egkelened ad te menge salè ku, iring heini te meveǥat he uwiten he kenè ku egkehenat.

1 Hadì 8:56

“Ereg he edeliǥen is Nengazen su impehimeley zin is menge etew zin he menge Israilihanen sumalà is impenaad din. Midtuman din is langun he insaad din diyà te suluǥuen din he si Moises.

Numero 18:23

Is menge Levihanen, kandan he ketengdanan is menge vuluhaten diyà te Tulda he Edtelevukaayan, ne televaken dan is egkehimu zan he salà kayi te vuluhaten dan. Heini he sulunuzen kinahanglan he tumana niw taman te huziyan he lapis te menge kevuwazan. Is menge Levihanen ne wazà egkepengevilin dan he tanà te Israel.

Leviticus 20:19

Emun is maama ebpekidhilavet te ayè din, mibpeel-elezan din haazà is ayè din. Ne sikandan is dezuwa ne zuen dan televaken dutun te mibeelan dan.

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.

Ezekiel 4:5

Is senga andew ebpesavut te senge-tuig. Umbe seled te 390 he andew is kedtianga nu te menge salè dan.

Numero 32:13

Utew nepeuki te Nengazen is menge Israilihanen. Umbe, midtazintazin din sikandan diyà te sibsivayan seled te 40 he tuig, taman te nemematey haazà is tivuuk he lapis te kevuwazan he mibaal te mezaat diyà te etuvangan din.

Josue 14:10

“Ne 45 he tuig is midlavey puun te kegkeǥiya zutun te Nengazen diyà te ki Moises. Kemulu pa zutun edhipanew is menge Israilihanen diyà te sibsivayan. Ne ǥuntaan 85 en he tuig is keǥurang ku ne uuyag e pa ǥihapun pinaaǥi te tavang te Nengazen,

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”

Hoseas 9:12

Minsan ebpekaanak sikandan, ne egkuwaan ku is langun he anak dan ne ebpekelalew kew. Mekehizuhizu kew emun ed-ewaan ku en sikiyu.