Numero 12:14 - Manobo Western Bukidnon OT

¹⁴ Midtavak te Nengazen si Moises te, “Kenè be ke ed-ilevan sikandin te amey zin diyà te zagwey zin tenged te kedsewaya zin kandin, ed-entusen din is keelezan seled te pitu he andew? Umbe ipeǥawas sikandin keniyan te kampu seled te pitu he andew, ne emun egkepasad haazà is pitu he andew ne egkehimu en he edlikù sikandin.”

Numero 12:14 Marejeleo ya Msalaba

Deuteronomio 25:9

ne med-uvey haazà is balu ziyà te etuvangan te ebpemendumala ne pul-uta zin is sandalyas duen te ipag din wey ilevi zin diyà te vuked duma is kegkaǥi te, ‘Iyan heini ebeelan diyà te etew he kenà egkesuat he ebeǥey te kevuwazan diyà te suled din he minatey.’

Job 30:10

Igkelimezangi e zan wey edlikayan e zan. Ne kenè dan en egkenawànawà is ed-ileb te vuked ku.

Isaias 50:6

Idtaan ku is peka ku ziyà te menge edlagkut kedì wey is buked ku ziyà te menge ebpemazut te sumpè ku. Ebpesegdanen ku en sikandan te kebpe-el-elezi zan kedì wey ked-ilevi zan te vuked ku.

Job 17:6

“Midhimu a te Megbevayà he meengiti te menge etew, ne ed-ilevan e zan diyà te vuked.

Leviticus 14:8

Piru te kenè pa ibpetuenan he lumpiyu en sikandin, kinahanglan he pìpii zin dèpa is bisti zin, kiskisi zin is langun he vulvul zin wey berehibu, ne mebpemeziǥù sikandin. Ne egkehimu en sikandin he edseled diyà te kampu piru kenà sikandin med-ubpà diyà te tulda zin seled te pitu he andew.

Numero 5:1

Migkaǥi is Nengazen diyà te ki Moises te,

2 Hadì 15:5

Impaantus te Nengazen te melimezang he zaru te lundis si Azaria taman en te andew te kebpatey zin. Diyà sikandin med-ubpà te nekesivey he valey. Iyan si Jotam he anak din, nengulu ziyà te turuǥan wey te menge etew ziyà te Juda.

Leviticus 13:4

Iyan, emun haazà is mibmeputìputì diyà te lundis din ne kenà tuus te zaru te lundis wey wazà mebmeputì is bulvul zutun, ne idsivey sikandin dutun te memumuhat puun te menge etew seled te pitu he andew.