Numero 10:35 - Manobo Western Bukidnon OT

³⁵ Kada ed-uwita sikan is Kavan te Kebpekid-uyun, egkaǥi si Moises te, “Sigi en, Nengazen, gurigawa nu en is menge kuntada nu. Berakat he mebpemelaǥuy sikandan.”

Numero 10:35 Marejeleo ya Msalaba

Isaias 51:9

Sigi en Nengazen, tevangi key en. Gemita nu is gehem nu te kedlibri kenami. Tevangi key iring te mibeelan nu zengan. Kenè be iyan ka midtadtad te dragun he si Rahab?

Salmo 132:8

Agpas ka, Nengazen, hendiyè ke en te valey nu he ed-ezapan duma sikan is Kavan te Kebpekid-uyun he simbulu te ǥehem nu.

Deuteronomio 7:10

Piru is wazà mebmahal kandin, segugunè din edsiluti wey edèdeeti.

1 Samuel 4:3

Hein nepasad is tebek ne midlikù kes menge Israilihanen he nesamà diyà te kampu zan. Hein nekeuma zan mid-insà is menge pengulu te Israilihanen te, “Maan is mibelagad kiw te Nengazen. Maan is nezaag kiw te menge Filistihanen? Deyzey pa ke egkuwaan tew kes Kavan te Kebpekid-uyun diyà te Shilo para eduma kenitew is Nengazen ne edluwasen kiw zin dutun te menge kuntada tew.”

Salmo 9:19

Sigi en Nengazen, kenè nu ituǥut he iyan ebmezeeǥen is kebpekegaga te menge etew zà duen. Hukumi nu is menge nasyun diyà te etuvangan nu.

Salmo 94:16

Wazà duma he ebpeketavang kedì ke edsurungen a te lalung he menge etew, kekenà, iyan ke zà, Nengazen.

Salmo 3:8

Iyan ka edlibri, Nengazen, wey edtuvad te menge etew nu.