Numero 10:33 - Manobo Western Bukidnon OT

³³ Umbe, mid-awà sikandan puun te vuntud te Nengazen ne midhipanew sikandan seled te tetelu he andew. Layun diyà te egkehunaan dan sikan is Kavan te Kebpekid-uyun su wey zan meturedu is lugar he egkehimelayan dan.

Numero 10:33 Marejeleo ya Msalaba

Salmo 95:11

Ne tenged te pauk ku, ne utew meheǥet is lalag ku he kenè dan ebpekeseled diyà te tanà he zutun ku pezem sikandan ibpehimeley.”

Exodus 19:3

Ne midtekezeg si Moises diyà te vuntud su ebpekidhinguma te Megbevayà. Mid-umew sikandin te Nengazen he edhenduen te, “Iyan heini keǥiya nu ziyà te menge Israilihanen he kevuwazan ni Jacob:

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.

Isaias 28:12

Iyan heini egkeǥiyen din: “Deyzey ke ebpekaangken kew te egkehimelayan niw ziyà te tanè niw. Piru kenè kew egkesuat he ebpemineg kediey.”

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Jeremias 3:16

Emun egkeume en is timpu he utew kew en ebmahabet keniyan he tanà, ne kenè niw en human edtentenuzan is Kavan te Kebpekid-uyun ku keniyu. Kenè niw en heini ed-isipen wey edtentenuzan. Kenè kew en ebulungen kayi wey kenè kew en ed-uman ebaal te iring kayi.

Jeremias 31:2

Iyan a is Nengazen migkaǥi he ed-eturen ku is nesamà kandan he menge uuyag dutun te kedhipanew zan diyà te sibsivayan. Edlikù a te kebeǥey te menge Israilihanen te egkehimelayan dan.”

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Ezekiel 20:6

Ne zutun daan he timpu nenangdù a he ibpeǥawas ku sikandan puun te Ehipto ne ed-uwiten ku sikandan diyà te tanà he mibpilì ku para kandan–meupiya wey selebpeten he tanà, kineupiyahan te langun he tanà.

Numero 10:12

Ne midhipanew is menge Israilihanen puun te sibsivayan he Sinai ne edhalinhalin te menge lugar, taman te mibpundu sikan is gapun diyà te sibsivayan he Paran.

Deuteronomio 31:26

“Kuwaa niw heini is Libru te Kesuǥuan ne isavuk niw ziyà te avey te Kavan te Kebpekid-uyun te Nengazen he Megbevayè niw. Ne kenà heini id-awà dutun su tistiǥus heini kuntra te menge etew te Israel.

Deuteronomio 9:9

Hein midtekezeg a zuen te vuntud te kegkuwa zuen te midlumpipì he menge vatu he midsuratan te kebpekid-uyun keniyu, 40 he andew wey 40 he kezukileman is wazà a mekekaan wey wazà a mekeinum.

Josue 4:7

keǥiyi niw sikandan he mid-engked he edtudà is Wahig he Jordan hein inlayun sikan is Kavan te Kebpekid-uyun te Nengazen. Heini he menge vatu kenà egkaawà he tedeman te menge etew te Israel taman te taman.”

Zatù 20:27

(Dutun he timpu, ziyà te Betel sikan is Kavan te Kebpekid-uyun te Megbevayà kandan.

1 Samuel 4:3

Hein nepasad is tebek ne midlikù kes menge Israilihanen he nesamà diyà te kampu zan. Hein nekeuma zan mid-insà is menge pengulu te Israilihanen te, “Maan is mibelagad kiw te Nengazen. Maan is nezaag kiw te menge Filistihanen? Deyzey pa ke egkuwaan tew kes Kavan te Kebpekid-uyun diyà te Shilo para eduma kenitew is Nengazen ne edluwasen kiw zin dutun te menge kuntada tew.”