Nehemias 1:7 - Manobo Western Bukidnon OT

⁷ Mezaat is menge vaal zey ziyà te kenikew. Wazè dey tumana is menge suǥù nu wey menge sulunuzen he imbeǥey nu kenami pinaaǥi ki Moises he suluǥuen nu.

Nehemias 1:7 Marejeleo ya Msalaba

Daniel 9:11

Midsupak is langun he menge Israilihanen te menge suǥù nu; kenè dan egkesuat he edtuman te menge lalag nu. Ne tenged te kebaal zey te salà, neseǥazan dey is rawak he ingkesurat diyà te Kesuǥuan ni Moises te suluǥuen nu.

Daniel 9:13

Nehitavù diyà te kenami heini he silut sumalà is ingkesurat diyà te Kesuǥuan ni Moises. Piru Nengazen he Megbevayè dey, minsan pa te iyan heini nehitavù kenami wazè key ǥihapun medtinguha te kebpenunuat kenikew pinaaǥi te ked-iniyug te menge salè dey wey kegkilala te tutuu.

Salmo 106:6

Nekesalè key iring te menge kepuun dey; utew mezaat is mibeelan dey.

Malakias 4:4

“Tentenuzi niw is Kesuǥuan te suluǥuen ku he si Moises. Haazà he menge suǥù wey menge sulunuzen, imbeǥey ku kandin diyà te Horeb he para te langun he menge etew te Israel.

Zefanias 3:7

Ne tenged kayi te mibeelan ku, iyan neisip ku is: siguradu he edtehuzen ad te menge etew ku ne edewaten dan en is kedsewaya ku kandan, su wey kenà mezeeti is inged dan sumalà te migkaǥi ku ziyà te kandan. Piru nasì en med-iseg is kebaal zan te salà.

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

2 Cronica 27:2

Meupiya is ulaula ni Jotam diyà te etuvangan te Nengazen, iring ded te mibeelan te amey zin he si Uzia. Piru wazè din iringi is salà te amey zin he iyan en midtutung te veyewà diyà te valey te Nengazen. Meupiya is ulaula ni Jotam, piru is menge etew mulà, ne mibpedayun dan te kebaal te mezaat.

2 Cronica 25:4

Piru wazè din mulà pehimetayi is menge anak dan, su sumalà is ingkesurat diyà te Libru te Kesuǥuan ni Moises he migkaǥi is Nengazen te, “Kenà ereg he edhimetayan is menge ginikanan tenged te salà te menge anak dan, ne is menge anak, kenà ereg he edhimetayan tenged te menge salà te menge ginikanan dan. Iyan dà idhimetayi te etew is keugelingen din he salà.”

1 Hadì 2:3

ne tumana nu is ibpetuman te Nengazen he Megbevayè nu. Sunuza nu is menge paaǥi zin, wey tumana nu is menge sulunuzen wey menge suǥù he ingkesurat diyà te Kesuǥuan ni Moises, su wey ka med-uswag diyà te langun he ebeelan nu, minsan hendei ka ebpevayà.

Deuteronomio 6:1

“Iyan heini menge suǥù wey menge sulunuzen he imbeǥey kedì te Nengazen he Megbevayè niw su wey ikepenurù diyà te keniyu. Tumana niw heini zutun te ked-ubpè niw zuen te tanà he ed-engkenen niw he ziyà layun te Jordan,

Deuteronomio 5:1

Impaamur-amur ni Moises is langun he menge kevuwazan ni Israel ne migkeǥiyan din te, “Sikiyu is menge Israilihanen, pemineǥa niw is menge suǥù wey menge sulunuzen he ibeǥey ku keniyu ǥuntaan. Istudyuwi niw heini ne sunuza niw.

Deuteronomio 4:5

“Ibpenurù ku keniyu is menge suǥù wey menge sulunuzen he imbeǥey kedì te Nengazen he Megbevayè ku, su para mesunud niw heini emun ebpekeuma kew en duen te tanà he ebpeveyaan niw wey ed-engkenen niw.

Deuteronomio 4:1

Ne migkaǥi si Moises te, “Menge Israilihanen, pemineǥa niw is menge suǥù wey is menge sulunuzen he ibpenurù ku keniyu. Tumana niw heini su wey kew meuyag ne ebpekeubpè kew zuen te tanà he ibeǥey keniyu te Nengazen he Megbevayà te menge kepuun niw.

Leviticus 27:34

Iyan heeyan menge suǥù he imbeǥey te Nengazen ki Moises diyà te Buntud he Sinai he para te menge Israilihanen.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Salmo 89:32

edletiguwen ku sikandan te mesakit tenged te menge salè dan.