Nehemias 1:4 - Manobo Western Bukidnon OT

⁴ Ne hein nezineg ku haazà, mibpinuu a is midsineǥew. Nepipira he andew is kedlalew ku, kebpuasa ku, wey kebpengemuyù ku ziyà te etuvangan te Megbevayà diyà te langit.

Nehemias 1:4 Marejeleo ya Msalaba

Daniel 9:3

Ne tenged dutun midangep a ziyà te Nengazen he Megbevayà pinaaǥi te ked-ampù. Mibpuasa a, mibivisti a te saku, wey mibukbukan ku te avu is ulu ku tenged te kegkeseeng ku.

Salmo 137:1

Nememinuu key ziyà te veyvey te menge wahig diyà te Babilonia he ebpemenineǥew hein netenuzan dey is Zion.

Ezra 10:1

Dutun te edluhud si Ezra ziyà te egkesineruwan duen te valey te Megbevayà, wey edsineǥew he ed-ampù wey edtug-an te menge salà te menge Israilihanen, mahabet he menge Israilihanen he menge maama, menge vahi, wey menge vatà is midtiǥum diyà te peliǥuy zin. Heini sikandan kenà daan alang-alang is kedsineǥew zan.

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Zefanias 3:18

iring te etew he egkelipey emun andew te pista.’ “Migkaǥi is Nengazen te, ‘Id-awè ku is kemeresayan niw su wey kew kenà mepeel-elezi.

Daniel 2:18

Migkeǥiyan sikandan ni Daniel he mebpengemuyù dan su para mehizuwi sikandan te Megbevayà diyà te langit ne metueni zan is kehuluǥan duen te teǥeinep te hadì, su para kenà sikandan mehimetayi duma te zuma he uluwanen he menge etew ziyà te Babilonia.

Ezra 9:3

Ne hein nezineg ku heini mibindas ku is kumbalè ku tenged te kegkeseeng ku; migingit ku is bulvul ku wey sumpè ku, ne mibpinuu a is neseeng.

Jonas 1:9

Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”

2 Samuel 12:16

Midhangyù si David diyà te Megbevayà para zutun te vatà. Midseled sikandin diyà te ruǥu zin ne mibpuasa ne kada mezukilem ne ziyè dà edlipezeng te saag.

Salmo 136:26

Peselemati is Megbevayà diyà te langit. Wazà pidtemanan te ǥaǥew zin.

Daniel 10:2

Ne iyan heini neulaula sumalà te inseysey ni Daniel: Dutun he timpu tetelu he simana is kedlalew ku.

2 Hadì 22:19

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi, he edrewakan wey edezeetan heini he lugar. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te,

2 Cronica 6:13

Diyà sikandin medhitindeg te brunsi he intebladu he mibpeveelan din. Heini he intebladu ne pitu wey tengà he ǥiek is keluag wey keleyat, ne heepat wey tengà he ǥiek is ketikang kayi. Hein nepasad midluhud si Solomon dutun te etuvangan te keet-etawan te Israel he imbayew zin is menge velad din.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Ezra 9:5

Dutun te kegkeuma keniyan he uras, mid-engked a he edseengseeng. Midluhud a is nevindas is bisti, ne nengemuyù a he ebayew te menge velad ku ziyà te Nengazen he Megbevayè ku.

Nehemias 2:20

Midtavak ku sikandan te, “Ebmelempusen key pinaaǥi te tavang te Megbevayà diyà te langit. Sikami is menge suluǥuen din ebpuunan dey is kebangun te menge verengbeng te Jerusalem. Piru sikiyu, wazè niw lavet wey ketenged kayi te Jerusalem, wey wazè kew meragkes te keguǥuza mehitenged kayi he inged.”

Salmo 102:15

Is menge meǥinged diyà te menge nasyun, edtahud dan te Nengazen; is langun he menge hadì kayi te kelibutan edtahud diyà te etuvangan din.