Nahum 1:2 - Manobo Western Bukidnon OT

² Kenà igkesuat te Nengazen he Megbevayà is ked-azap te menge etew te zuma he menge ed-ezapen. Nepeukan din is menge kuntada zin ne ebelesan din sikandan.

Nahum 1:2 Marejeleo ya Msalaba

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Salmo 94:1

Nengazen he Megbevayà, sikew is ebpenimales; ipeehè nu en is pauk nu.

Exodus 34:14

Kenè kew med-azap te zuma he ed-ezapen, su siak is Nengazen, utew a egkeepes emun duen duma he ed-ezapen niw.

Josue 24:19

Ne migkaǥi si Josue ziyà te menge etew te, “Kenè kew ebpekehimu he ebpenilbi te Nengazen su waǥas sikandin he Megbevayà wey tengelikuzen, su kenè din egkesuatan ke zuen selakew en he ed-ezapen niw. Kenè din ibpelavey is kebpekidsukulè niw wey menge salè niw.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Deuteronomio 4:24

Kenà sikandin egkesuat ke zuen selakew en he ed-ezapen niw. Su emun edsilut is Nengazen he Megbevayè niw ne iring sikandin te hapuy he ebpekeepur.

Micas 5:15

Tenged te utew ku kegkepauk, ebelesan ku is menge etew ziyà te menge nasyun he wazà mebpezumazuma kedì.”

Joel 2:18

Ingkeipeng te Nengazen is tanè din, wey nehizuwan din is menge etew zin.

Ezekiel 39:25

Mibpedayun pa megkaǥi is Nengazen he MEGBEVAYÀ te, “Piru ekgehizuwan ku en is menge Israilihanen, he menge kevuwazan ni Jacob, ne ibpeuman ku sikandan ibpeuswag, su wey meveǥayi te zengeg is waǥas he ngazan ku.

Ezekiel 6:12

Is diyà te meziyù ebpatey te zaru. Is diyà te uvey ebpatey te tebek. Ne is egkesamà ebpatey te vitil. Pinaaǥi kayi igkevuswang ku is rerangit ku.

Jeremias 4:4

Sikiyu is menge etew ziyà te Juda wey Jerusalem, lumpiyuwi niw is gehinawa niw ziyà te etuvangan te Nengazen, su emun kenà, ne egkeǥezaman niw is pauk ku he iring te hapuy he kenà egkeevukan tenged te kezaat te vaal niw.

Isaias 51:20

Nengevidtawan sikandan ne nemekehidhizeǥà diyà te suyuk te kada kersada he henduen be te selazeng he nengelitag. Nesuǥat sikandan te utew kegkepauk te Nengazen; wey kebpendawey te Megbevayè nu.

Isaias 51:17

Enew ke en Jerusalem! Is pauk te Nengazen iring te inumen he mid-amin nu inuma taman te nekeziregdireg ka te kegkelangut nu.

Job 20:23

Edhentayen sikandin te Megbevayà te kemeresayan. Ibpeǥezaman kandin te Megbevayà is dekelà he pauk din, ne ebpeuzanan din te silut.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Zacarias 1:14

Umbe, migkaǥi haazà is belinsuǥuen kayi te kedì te edtudtulen ku heini is migkaǥi te Nengazen he Mekeǥeǥehem: “Ingkeipeng ku is Jerusalem he migngezanan daan te Zion,

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Ezekiel 38:18

Piru zutun te timpu te kedsurung nu, Gog, is Israel, egkeregreg is pauk ku.

Ezekiel 36:6

“Umbe, sikew is etew, keǥiyi nu is tanà he Israel. Keǥiyi nu is menge vuvungan, menge zal-ug, menge suǥud, he iyan a, is Nengazen he MEGBEVAYÀ migkaǥi te, ‘Naantus niw is kebpeel-elezi keniyu te nekepeliǥuy he menge nasyun. Umbe tenged te utew ku kegkepauk, ne siak, is Nengazen he MEGBEVAYÀ ebpenangdù he egkepeel-elezan daan heeyan he menge nasyun.

Ezekiel 8:18

Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”

Ezekiel 5:13

“Pinaaǥi keniyan igkevuswang ku is pauk ku kandan, ne igkepeǥezaman ku is rerangit ku para mevehew is utew ku kegkepauk.

Penhulùhulù 4:11

Impeǥezaman te Nengazen is tivuuk he pauk din diyà te Zion. Umbe mibinsulan din heini, minsan is menge pundasyun kayi.

Jeremias 36:7

Su kela ke pinaaǥi kayi edangep sikandan diyà te Nengazen, ne ed-engkezan dan is mezaat he vetasan dan. Su mibpetizeenan en sikandan te Nengazen he edsilutan sikandan tenged te utew zin kegkepauk.”

Jeremias 25:15

Migkaǥi kayi te kedì is Nengazen he Megbevayà te Israel te, “Kuwaa nu ziyà te velad ku is tasa he nepenù te pauk ku, ne ipeinum nu te menge etew ziyà te langun he menge nasyun he zutun ku sikew suǥùa.

Jeremias 3:5

Egketulungan e ve kenikew egkepeuki? Ebpedayun be is pauk nu taman te taman?’ Iyan heeyan menge lalag niw, piru ebeelan niw is langun he mezaat he egkesuatan niw te ebaal.”

Isaias 66:15

Pemineg kew! Ebpekeuma is Nengazen he egkezumahan te hapuy. Ed-untud sikandin te menge kerwahi zin he henduen be te eribpures. Ibpeehè din te menge kuntada zin is pauk din, ne edsilutan din sikandan te edriyubriyub he hapuy.

Deuteronomio 7:10

Piru is wazà mebmahal kandin, segugunè din edsiluti wey edèdeeti.

Jeremias 28:8

Is menge ebpeneuven he nehuna kenita nenagnè dan dengan he zuen ebpekeuma he tebek, vitil, wey menge zaru diyà te mahabet he menge nasyun wey ziyà te mekeǥeǥehem he menge ginhedian.

Ezekiel 38:19

Tenged te utew ku kegkepauk, ibpenangdù ku he zutun he timpu edlinug te mezesen diyà te tanà he Israel.

Exodus 34:7

Ibpeehè ku is kebmahala ku te mahabet he menge etew, ne ebpeseyluwen ku is kezaat dan, kerepasan dan, wey menge salè dan. Piru edsilutan ku is mekesesalà, ragkes is menge kevuwazan dan taman te iketelu wey ikeepat he lapis te kevuwazan.”

Numero 25:11

“In-awà ni Finehas he anak ni Eleazar wey apù ni Aaron he memumuhat is kegkepeuki ku te menge Israilihanen, su pinaaǥi te mibeelan din impeehè din is kegkepeuki ku te menge Israilihanen, umbe wazè ku sikandan emina te ebpenhimatey he iyan pezem ebeelan ku tenged te kegkepauk ku.

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.