Nahum 1:14 - Manobo Western Bukidnon OT

¹⁴ Iyan heini migkaǥi te Nengazen diyà te menge tig-Asiria: “Id-awè ku is menge kevuwazan niw wey edezeetan ku is ledawan he kayu etawa mital ziyà te simbahan he ed-ezapan niw te menge ed-ezapen niw. Ed-endamen ku en is menge edlevengan keniyu su kenè kew ereg he egkeuyag.”

Nahum 1:14 Marejeleo ya Msalaba

Salmo 109:13

Berakat he mebpematey is menge kevuwazan din, su para melipati en sikandan te ebpekesunud he lapis te kevuwazan.

Micas 5:13

Ne kenè kew en ebpekaazap te menge ledawan wey tedeman he menge vatu he mibeelan niw, su edrupeten ku heini,

Erubasa 10:7

Is metazeng he etew, egkehimu sikandin he tuvad te zuma ne layun sikandin egketenuzi, piru is lalung he etew egkelipatan en.

2 Hadì 19:37

Ne sevaha he andew, zutun te edsimba si Senakerib diyà te simbahan te ed-ezapen din he si Nisroc, midhimetayan sikandin te zezuwa he anak din he maama he si Adramilec wey si Sharezer pinaaǥi te ispada. Ne mibpelaǥuy sikandan diyà te Ararat. Ne is anak din he si Esarhadon iyan mid-ilis kandin te kedhadì

Daniel 11:21

“Is hadì he ebpekeilis kandin ne sevaha he etew he telemayen, he kenà diyà ebpuun te pemilya he ebpuunan te egkengehimu he hadì. Kenà ebpeebuten te menge etew, he egkaaǥew zin is kedhadì dutun te ginhedian pinaaǥi te limbung.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Isaias 33:13

Sikiyu is menge meǥinged diyà te menge nasyun diyà te meziyù wey ziyà te uvey, pemineǥa niw ke hengkey is mibeelan ku wey kilelaa niw is kegkemekeǥeǥehem ku.”

Isaias 19:1

Heini he menge lalag ne mehitenged te Ehipto: Pemineg kew! Ed-untud is Nengazen te meǥaan he ǥapun su edhendiyà sikandin te Ehipto. Ne emun ebpekeume en, ne ebpengerkeren te kegkahandek is menge ed-ezapen diyà te Ehipto, ne egkeheratan is menge Ehiptohanen.

Salmo 71:3

Kelesaǥi a iring te nekeendilung a te vatu, su ziyè e zà layun te kenikew edangep. Kenà duwazuwa he edlibriyen a kenikew, su iyan ke man endilungè ku wey melig-en he elesà ku.

2 Cronica 32:21

Ne midsuǥù te Nengazen is belinsuǥuen he mibpurung medezaat te menge memetau he menge sundaru, menge peremandar, wey te menge upisyal te Asiria ziyà te kampu te hadì te Asiria. Umbe mid-ulì si Hadì Senakerib he nepeel-elezan utew. Ne hein midseled sikandin diyà te simbahan he ed-ezapan te ed-ezapen din, midhimetayan sikandin te zuma he menge anak din pinaaǥi te ispada.

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Exodus 12:12

“Su zutun daan he kezukileman edhipenawen ku is tivuuk he Ehipto ne ebpenhimetayan ku is langun he menge pengenayan he menge maama te menge Ehiptohanen, meetew se meuyaǥen. Ne edsilutan ku is langun he menge ed-ezapen kayi te Ehipto. Su iyan a Nengazen.

Job 18:17

Ne wazè en ebpeketanud kandin kayi te kelibutan. Egkepurung en sikandin egkelipati.

Micas 5:14

ragkes is menge tukud he simbulu te vahi he ed-ezapen he si Ashera. Ne edezeetan ku heini is menge inged niw.

Habakuk 2:10

Tenged te kebpenhimatey niw te mahabet he menge etew, edhimetayan kew zaan ne egkezeetan is dengeg niw.

Daniel 5:27

Is Tekel, iyan kehuluǥan din is midtimbang ka te Megbevayà ne netuenan din he kurang ka.