Nahum 1:10 - Manobo Western Bukidnon OT

¹⁰ Iring kew te etew he nelangut he nesepinit diyà te zuǥiyen he zezeisey he kayu. Edezeetan kew iyan iring te ebinsulan he reǥami.

Nahum 1:10 Marejeleo ya Msalaba

2 Samuel 13:28

Migkeǥiyan ni Absalom is menge sakup din te, “Teǥazi niw ke egkelangut si Amnon, ne emun edsinyas a, ne himetayi niw en sikandin. Kenè kew mahandek; su iyan a midsuǥù keniyu. Pekezesen kew wey pekevurut kew.”

Salmo 118:12

Henduen dan te petiyukan is midsurung kedì, piru neiring dà sikandan te nevinsulan he reǥami he segugunè dà neevuki. Nezaag ku sikandan pinaaǥi te ǥehem te Nengazen.

Salmo 68:2

Segseǥa nu sikandan iring te evel he idlayap te keramag. Dezeeti nu is menge lalung diyà te etuvangan nu, iringa nu te kendilà he egketunew te hapuy.

Exodus 15:7

Tenged te kegkemekeǥeǥehem nu, midèdeetan nu is edsukul kenikew. Neregreg is ebpeketutung he pauk nu; iring sikandan te reǥami he nehimu he igmuk.

Exodus 5:12

Umbe, nekeeneb sikandan diyà te tivuuk he Ehipto is ebpenguwa te tued te reǥami he iyan egemiten dan he ilis te reǥami.

Isaias 27:4

Naawè en is pauk ku kayi he pemuleey. Piru emun duen egkeehè ku ziyà te kandin he zuǥiyen he zezeisey he menge kayu, egkuntedahan ku sikandin ne ebinsulan ku.

Isaias 47:14

Benar iyan, iring dà sikandan te reǥami he melemu zà egkevinsuli. Kenà ganì sikandan ebpekelibri te keugelingen dan wey zan kenà metutung. Heini he hapuy kenà egkehimu he edhizezangan su utew meinit.

Isaias 5:24

Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.

Isaias 56:12

Ke sikandan te, “Hendini kew, su egkuwa kiw te inumen ne ebpelelangut kiw! Iring ded kayi is ed-ul-ulahan tew keeselem, ne edhimuwen tew he edhuna pa he zekelà is egkeinum tew!”

Isaias 9:18

Su is kelelalung dan iring te hapuy he nekevinsul te zuǥiyen he zezeisey he kayu. Edriyubriyub heini iring te hapuy he nekevinsul te menge kayu, ne mekepal he evel is midlipuwak pehendiyà te zivavew.

Jeremias 51:39

Ne ǥeina te nevitil sikandan, ebpengemuran a para kandan. Edlenguten, edlipayen, wey ibpelipezeng ku sikandan he kenè en egkepukew.

Jeremias 51:57

Edlenguten ku is menge upisyal te Babilonia, is menge uluwanen he menge etew, menge perezumala, menge peremandar, wey is menge sundaru zan. Ebpekelipezeng dan ne kenè dan en egkepukew. Iyan a, is Hadì, migkaǥi kayi. Nengazen he Mekeǥeǥehem is ngazan ku.”

Micas 7:4

Is kinemetezengan kandan ne iring dà te zuǥiyen he sagbet he wazè din pulus. Neume en is timpu he edsilutan te Megbevayà heini he menge etew sumalà te impetizaan din kandan pinaaǥi te menge ebpeneuven he iring te menge perevantey te turi. Umbe ǥuntaan egkengeliveǥan sikandan.

Nahum 3:11

Iring kew zaan keniyan is menge tig-Nineve, egkeiring kew te egkelangut he kenè din egketuenan ke hengkey is egkehitavù kandin. Egkehandek kew te menge kuntada niw emun edsurungen kew zan en ne ebpen-ehè kew te egkeelesan niw he zutun kenè kew egkezekepan.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.