Micas 6:15 - Manobo Western Bukidnon OT

¹⁵ Umbe, ebpemula kew, piru kenè kew iyan ebpekeraǥun kayi. Ebpetiǥis kew te menge ulibu, piru kenè kew iyan ebpekepulus te lana kayi. Egkeres kew te menge paras, piru kenè kew iyan ebpekeinum te vinu kayi.

Micas 6:15 Marejeleo ya Msalaba

Zefanias 1:13

Ed-eǥawen is menge azen dan ne ed-ewaan dan is menge valey zan. Kenà iyan sikandan ebpekeubpà diyà te menge valey he mibangun dan. Wey kenà iyan sikandan ebpekeinum te vinu he ebpuun diyà te menge pinemula zan he paras.”

Amos 5:11

Midaagdaag niw is menge pubri ne midteǥel niw he mebeǥey ziyà te keniyu te neraǥun dan. Umbe kenè niw en egkeubpaan is dezekelà he menge valey he mibangun niw, wey kenè kew en ebpekeinum te vinu he ebpuun diyà te impemula niw he menge paras.

Jeremias 12:13

Ebpemula is menge etew ku te trigu piru zuǥi is egkeraǥun dan. Mibpurung dan medhaǥù piru wazè dan nekuwa. Nekeraǥun dan te keelezan tenged te utew ku kegkepauk.”

Haggai 1:6

Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.

Leviticus 26:20

Egkehimu he wazà pulus te menge kedhaǥù niw, su is menge tanè niw, kenà ebeǥey te sebpet ne is menge kayu niw ne kenà ebpemeǥas.

Job 31:8

deyzey ke egkengezeetan is menge pinemula ku etawa zeyzey ke zuma he etew is ebpekekaan kayi.

Habakuk 3:17

Minsan kenè pa mebpemeǥas is kayu he higira, is paras, etawa kayu he ulibu, wey minsan wazà sebpet diyà te tanà, wey minsan mebpemematey pa is menge uyaǥen diyà te tudil,

Leviticus 26:16

iyan heini ebeelan ku keniyu: Egketeranta kew te kegkahandek su ebpeeǥiyan ku sikiyu te menge zaru he kenà egkeulian wey dateng he ebpekezezaat te menge mata niw wey menge lawa niw. Ebpemula kew ne kenà heini ebpulus diyà te keniyu su edsurungen kew te menge kuntada niw ne egkeenen dan is menge abut niw.

Zatù 6:4

Heini sikandan egkampu ziyà te lugar te menge Israilihanen, ne ebpendezeetan dan is menge pinemula te menge Israilihanen taman te Gaza. Ebpenguwaan dan is langun he menge kerehidu, baka, wey asnu, ne wazà edsemaan dan he para te menge Israilihanen.