Micas 1:14 - Manobo Western Bukidnon OT

¹⁴ “Ne ǥuntaan sikiyu is menge tig-Juda, pemazè kew en diyà te inged he Moreshet Gat su ebihaǥen en is menge etew kayi te menge kuntada. Ebihaǥen daan is menge meǥinged diyà te inged he Aczib, umbe wazà tavang he egkekuwa te menge hadì niw he ebperateng te tavang puun keniyan he inged.

Micas 1:14 Marejeleo ya Msalaba

Josue 15:44

Keila, Aczib, wey Maresha: ne 9 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

2 Hadì 16:8

Migkuwa ni Ahaz is pelata wey vulawan diyà te valey te Nengazen wey is diyà te budiga ziyà te turuǥan, ne impeuwit din diyà te hadì te Asiria su inggasa zin.

Jeremias 15:18

Maan is kenè en egkepangkus is kegkesekiti ku? Maan is kenà egkeulian is palì ku? Kenè en be heini egkevewian? Id-awè nu ve is perateng ku he iring te wahig he egkemezahan penahun te gulavung?”

Isaias 30:6

Iyan heini menge lalag te Megbevayà mehitenged te menge langgam diyà te Negev: Ingkevayà te menge tig-Juda is sibsivayan he mereǥen he ibayà, he zuen menge erimaung, wey edhereg he menge uled, wey henduen be te ebpemenlayang. Igkarga zan te menge asnu wey menge kemilyu is menge ketiǥeyunan dan su igasa zan diyà te Ehipto he kenà ebpeketavang kandan.

Salmo 62:9

Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.