Megwewali 1:2 - Manobo Western Bukidnon OT

² Wazà pulus te minsan hengkey. Wazà iyan menge pulus te langun!

Megwewali 1:2 Marejeleo ya Msalaba

Salmo 144:4

Is etew, iring dà sikandin te keramag su meǥaan dà egkaawà is untung din, ne is menge andew zin ne iring dà te alung he edlavey zà.

Megwewali 5:10

Is minsan hentei he mahal ziyà te gehinawa zin is selapì wey is duma pa he ketiǥeyunan ne kenè din haazà igkekuntintu. Ne wazà daan kayi pulus.

Megwewali 12:8

Siak is megwewali egkaǥi te, “Wazà iyan pulus! Wazà iyan pulus kayi te langun!”

Megwewali 2:26

Megbevayà is ebeǥey te ketau, keuluwanen wey kelipey zutun te menge etew he ebpekepenunuat kandin. Iyan, is menge mekesesalà mibpengelinteuwan din he mebpenigudu sikandan te kedtiǥum te menge azen su is egkengetiǥum dan ne ibeǥey zin diyà te menge etew he nekepenunuat kandin. Is kedhaǥù te menge mekesesalà wazè din pulus; henduen dà te edal-as sikandan te keramag.

Megwewali 2:19

Ne wazà ku en metueni ke metau ve wey ke tulebung is ebpekepangevilin. Piru iyan dan en ebpekevayàbayà te minsan hengkey he egkekuwa ku pinaaǥi te ketau ku wey kedhaǥù ku. Wazè kayi pulus.

Megwewali 2:11

Piru hein mibpurungan ku is-isipa is langun kayi te mibeelan ku, iyan neuma te isip ku is wazà pulus kayi te langun. Iring dà te edal-as a te keramag. Wazà iyan pulus te kedhaǥù kayi te kelibutan.

Megwewali 2:23

Dutun te kedterebahu zin egkeseǥazan din is kegkesekiti wey kegkeseeng ne minsan mezukilem ne kenè en ebpekehimeley is isip din. Utew heini wazè din pulus.

Megwewali 2:17

Umbe, wazà mekepenunuat kedì is kebpengungubpaan ku, su is menge vuluhaten kayi te kelibutan ne iyan nekeuwit kedì diyà te kemereǥenan. Heini is langun wazè din pulus; henduen e zà te edal-as te keramag.

Megwewali 11:8

Minsan sengemenu keluǥayad is untung nu, medlipey ka seled te tivuuk he untung nu. Piru tentenuzi nu is menge andew te kerusireman su ebmahabet heini. Kenà egkeseriǥan is egkengehitavù te huziyan he timpu.

Megwewali 6:11

Emun edtulung ki ebpemarew ne ebpekeuman dà heini te nengekaǥi ta he wazè din pulus, ne kenà heini ebpekeveǥey kenita te keupiyaanan.

Megwewali 4:8

Duen sevaha he etew he sebsevaha zin; wazè din anak wey suled. Piru edsigudu en sikandin edhaǥù su kenà sikandin kuntintu te netiǥeyunan din. Kesikandin diyà te gehinawa zin te, “Kenà ad ebpekelipeylipey tenged te subra he kebpenigudu ku kedhaǥù.” Piru wazà ku egketeǥakan te hineǥuan ku. Wazà kayi pulus! Mekeseseeng heini he kelasi te ked-ubpà!

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Megwewali 3:19

Is etew wey langgam ne neked-iring dà is egkepengkusan dan; pudu sikandan ebpatey. Neked-iiring sikandan he egeǥehinawa, umbe wazà mibizahaayan te etew wey langgam. Tutuu iyan he is langun wazè din pulus.

Megwewali 2:21

Minsan pa ke edhaǥù ka duma is keuluwanen wey abilidad, igketaǥak nu zà is langun he midheǥuan nu ziyà te menge etew he wazà iyan medhaǥù kayi. Wazà kayi pulus, ne utew heini mezaat.

Megwewali 11:10

Kenè ka medseengseeng wey kenè nu lisliseza is keugelingen nu. Pemulpulusi nu is kegkevetan-en nu su edlavey zà heini.

Megwewali 4:16

ne kenè egkevilang is menge etew he edumelahan din, ne egkehimu ǥihapun he kenà sikandin ebpekepenunuat te huziyan he menge lapis te kevuwazan. Ne wazà daan kayi pulus; henduen dà te edal-as ka te keramag.

Megwewali 2:15

Umbe, nekekaǥi a ziyà te ǥehinawa ku te, “Ke hengkey is egkeula-ula te tulebung iyan daan egkeulaula kedì. Umbe hengkey is egkekuwa ku he keupiyaanan kayi te ketau ku? Wazà iyan kayi pulus!

Job 11:12

Henduen be te kenè en egkehimu he ed-uluwanen is tulebung iring te kenà egkehimu he ed-anak te etew is asnu.

Salmo 89:47

Tentenuzi nu Nengazen, he mevavè dà is untung te etew; tentenuzi nu he midhimu nu is etew he zuen din kemetayen.

Megwewali 2:8

Ne midtiǥum a zaan te zekelà he selapì, bulawan, wey zuma he menge ketiǥeyunan he ebpuun te menge hadì wey ziyè te menge lugar he nesakup ku. Mezakel is memetau he menge perekanta ku, he menge maama wey menge vahi, ne zuen ku mahabet he menge esawa. Naangken ku is minsan hengkey he egkesuatan te etew!