Leviticus 8:6 - Manobo Western Bukidnon OT

⁶ Miduma zin diyà te teliwazà si Aaron wey is menge anak din, ne impepemeziǥù din sikandan.

Leviticus 8:6 Marejeleo ya Msalaba

Exodus 29:4

“Dumaha nu si Aaron wey sikan is menge anak din he maama ziyà te idselang pehendiyà te Tulda he Edtelevukaayan, ne ipepemeziǥù nu sikandan.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Isaias 1:16

Mebpekelumpiyu kew! Engked kew en he ebaal te mezaat diyà te etuvangan ku.

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Salmo 51:2

Lùlui nu is kegkezaat ku; lumpiyuwi a te menge salè ku.

Salmo 26:6

Edlùluan ku is menge velad ku he tuus te wazè ku salà. Ne edhendiyà a te pemuhatà he zutun ka ebpemuhata su ed-azap a kenikew, Nengazen.

Exodus 40:12

“Ne zumaha nu si Aaron wey sikan is menge anak din he maama ziyà te ǥemawan duen te Tulda he Edtelevukaayan ne ipepemeziǥù nu sikandan dutun.

Exodus 30:19

Ne haazà is wahig dutun, iyan egemiten ni Aaron wey te menge anak din he maama te kedlùlù te menge velad dan wey menge paa zan,

Zacarias 13:1

Migkaǥi pa is Nengazen he Mekeǥeǥehem te, “Dutun he andew ibpetudà is serebseb para te kevuwazan ni David wey te menge meǥinged diyà te Jerusalem, su edlumpiyuwan sikandan tenged te menge salè dan wey kegkeremeriki kandan. Id-awè ku is menge ed-ezapen diyà te tanà he Israel ne kenè en heini egketenuzan. Ibpaawè ku puun te Israel is menge etew he uvag kun ebpeneuven, wey is mezaat he menge mulin-ulin he edumala kandan.

Exodus 30:20

te kenè pa sikandan edseled te Tulda he Edtelevukaayan, wey kenè pa sikandan ed-uvey zuen te pemuhatà te kebpemuhat pinaaǥi te hapuy.

Leviticus 8:5

Ne migkeǥiyan sikandan ni Moises he heini is ebeelan din, insuǥù kandin te Nengazen.

Leviticus 16:4

Kinahanglan he mebpemeziǥù sikandin ne isul-ub din is bisti he para te lavew he memumuhat he pudu linu: is pendizalem he visti he ebpeketambun te pid-etawan din, is pendivavew he visti, is bakes, wey is tengkulu.