Leviticus 12:2 - Manobo Western Bukidnon OT

² he keǥiya zin heini ziyà te menge Israilihanen: Emun ed-anak is bahi te maama, ed-isipen sikandin he meremerik seled te pitu he andew, iring daan ke edlengesahan sikandin.

Leviticus 12:2 Marejeleo ya Msalaba

Leviticus 15:19

Emun edlelengesa is bahi, ed-isipen sikandin he meremerik seled te pitu he andew, ne is minsan hentei he edsamsam kandin ed-isipen daan he meremerik taman te mahapun.

Job 25:4

Ebmenmenuwen te egkaǥi te etew he metazeng sikandin diyà te etuvangan te Megbevayà? Duen be etew he lumpiyu?

Job 15:14

Egkehimu ve te etew is kebpengungubpaan he tutuu lumpiyu wey metazeng?

Job 14:4

Duen be etew he wazà kurang is kegkelumpiyu zin? Wazà! Su is langun, neetew he meremerik.

Leviticus 18:19

Kenè ka mebpekidhilavet te vahi he edlengesahan su meremerik sikandin.

Salmo 51:5

Lalung a wey mekesesalà a puun pa te kegkeetew ku.

Genesis 3:16

Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”

Genesis 1:28

Ne midtuvazan sikandan te Megbevayà ne migkeǥiyan din sikandan te, “Mevuwad kew ne mebmehabet kew su wey niw meeneb is kelibutan. Iyan kew mebayàbayà dini te tanà. Iyan kew mebayàbayà te menge isdà diyà te zaǥat wey te menge tagbis he ebpemenlayang diyà te hewhewanan wey te menge linimbag he egeǥehinawa he edhipanew zini te tanà.”

Leviticus 12:1

Midsuǥù te Nengazen si Moises

2 Samuel 11:4

Ne zutun impekuwa ni David si Batsheba. Ne hein nekeume en sikandin diyà te ki David, ne mibpehulizè dan. (Beveǥu pa zutun he nepasad ni Batsheba is tulumanen te kebpenlumpiyu tenged te vinulan he ebpekeuma te vahi.) Nepasad dutun is kebpekedhulid dan ne mid-ulì sikandin.

Leviticus 5:3

Emun nekeǥawed sikandin te meremerik he vutang te etew he wazè din metueni he igkehimu ves kandin he meremerik is kegkeveeli zin dutun, ebpekesalà sikandin dutun te timpu te kegketueni zin kayi.

Leviticus 12:5

Emun bahi is anak din, ed-isipen sikandin he meremerik seled te 14 he andew, ne emun edlengesahan daan sikandin tenged te ebpedayun he kegawas te lengesa zin, medtaǥad pa sikandin te 66 he andew ne human sikandin ed-isipa he lumpiyu.