Josue 4:24 - Manobo Western Bukidnon OT

²⁴ Mibeelan heini te Nengazen su para kilelaa te langun he etew kayi te kelibutan he mekeǥeǥehem sikandin, wey kew layun medtahud kandin te Nengazen he Megbevayè niw.”

Josue 4:24 Marejeleo ya Msalaba

Salmo 106:8

Piru midlibri nu sikandan para te zengeg nu wey te kebpaahà kandan te ǥehem nu.

Salmo 89:13

Mekeǥeǥehem ka! Utew subra is desen nu!

1 Cronica 29:12

Is menge ketiǥeyunan wey zengeg ne ziyà ebpuun te kenikew. Iyan ka edumala te langun. Gemhanan ka, wey iyan ka ebpekeveǥey te zesen wey ǥehem diyà te minsan hentei.

2 Hadì 19:19

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Exodus 14:31

Ne hein naahà te menge Israilihanen is dekelà he ǥehem te Nengazen he impeehè din pinaaǥi te mid-ulaula zin, ne neteǥuan sikandan te kedtahud te Nengazen wey te kedsarig diyà te kandin wey ziyà te ki Moises he suluǥuen din.

Deuteronomio 6:2

su wey sikiyu wey is menge anak niw wey is menge apù niw, medtahud te Nengazen he Megbevayè niw zutun te kebpengungubpaan niw. Emun edtumanen niw is langun he menge suǥù din wey is menge sulunuzen he imbeǥey ku keniyu, ne edluǥeyazan kew te untung.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Salmo 89:7

Edtehuzan ka ziyà te menge ketiǥuman te ilengiten he menge linimbag. Is langun he edliǥuy kenikew ne zuen dan kegkahandek kenikew.

2 Hadì 5:15

Ne zutun midlikù si Naaman duma te menge zuma zin duen te suluǥuen te Megbevayà. Midhitindeg sikandin diyà te etuvangan ni Elisha he ke sikandin te, “Guntaan netuenan ku en he wazè en duma he Megbevayà kayi te tivuuk he kelibutan, kekenà, iyan dà is Megbevayà te Israel. Umbe zewata nu heini is igasa ku kenikew, datù.”

1 Samuel 17:46

Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.

Exodus 20:20

Ne migkeǥiyan sikandan ni Moises te, “Kenè kew mahandek su ibpeehè dà keniyu te Megbevayà is mekahandekhandek he ǥehem din su wey kew meteǥui te zekelà he kedtahud kandin, su para kenè kew mekesalà.”

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Deuteronomio 28:10

Ne egkesayud is langun he menge etew kayi te kelibutan he mibpengunayan kew pilia te Nengazen, ne igkahandek kew zan.

1 Hadì 8:60

su para metueni te langun he menge etew kayi te tivuuk he kelibutan he is Nengazen, iyan Megbevayà ne wazè en duma pa.

1 Hadì 8:40

Beeli nu heeyan para medtahud dan kenikew zutun te ked-ubpè dan dutun te tanà he imbeǥey nu te menge kepuun dey.

Job 40:9

Mekeǥeǥehem ke ve iring kedì? Edraǥeb be is laǥeng nu iring te kedì?

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.