Josue 23:3 - Manobo Western Bukidnon OT

³ Neehè niw en is langun he mibeelan te Nengazen he Megbevayè niw kayi te menge nasyun para keniyu. Is Nengazen he Megbevayè niw iyan mibpekidtebek para keniyu.

Josue 23:3 Marejeleo ya Msalaba

Exodus 14:14

Su iyan is Nengazen ebpekidtebek para keniyu. Ne kenè en kinahanglan he iyan kew ebpekidtebek.”

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 10:14

Wazè pa nehitavù he iring kayi te midineg te Nengazen is iring keniyan he ampù te etew. Tutuu iyan he nekidtebek is Nengazen para te Israel.

Malakias 1:5

Egkeehè niw is kegkezeeti zan ne ebpekekaǥi kew te, “Mekeǥeǥehem iyan is Nengazen minsan diyà te ǥawas te Israel.” ’ ”

Deuteronomio 20:4

Su eduma keniyu is Nengazen he Megbevayè niw! Ebpekidtebek sikandin para keniyu kuntra te menge kuntada niw ne ibpezaag din keniyu sikandan!’

Deuteronomio 4:9

Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Deuteronomio 1:30

Su is Nengazen he Megbevayè niw, edhuna keniyu ne iyan sikandin ebpekidtebek para keniyu, iring te neehè niw he mibeelan din diyà te Ehipto

Josue 23:10

Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

Ezekiel 20:28

Su hein mid-uwit ku sikandan diyà te tanà he insaad ku he ibeǥey ziyà te kandan, mibpemuhat dan te menge pemuhat, menge veyewà, wey menge inumen diyà te metikang he menge lugar wey ziyà te merapung he menge kayu he egkeehè dan. Umbe utew ku sikandan nepeuki.

Exodus 19:4

‘Neehè niw is mibeelan ku ziyà te menge Ehiptohanen, wey ke mibmenumenu ku sikiyu te ked-uwita ku keniyu zini te kediey, iring te ked-uwit te kulaǥu te menge pispis din he ebpengelangan din te menge pakpak din.

Deuteronomio 7:17

“Kela ke ebpekekaǥi kew te, ‘Edhuna he mekeǥeǥehem heini he menge nasyun kenà kenitew. Ebmenmenuwen tew is kedsegseg kandan?’

Deuteronomio 7:24

Ibeǥey zin diyà te keniyu is menge hadì dan. Ne penhimetayi niw sikandan, ne egkelipatan en sikandan. Wazà minsan sevaha kandan he ebpekezaag keniyu, ne emina niw sikandan te edhimatey.