Josue 23:15 - Manobo Western Bukidnon OT

^15-16 Ne iring te midtuman te Nengazen he Megbevayè niw is langun he menge meupiya he insaad din keniyu, edtumanen din daan is kezeetan he impetizaan din keniyu emun edsupaken niw is kebpekid-uyun keniyu te Nengazen he Megbevayè niw he ibpetuman din keniyu. Wey emun ed-azap kew wey ebpenilbi kew te tarù he menge megbevayà, ibpeǥezaman din keniyu is pauk din, ne seled dà te mevavà he timpu egkeǥerè kew is langun kayi te meupiya he tanà he imbeǥey zin keniyu.”

Josue 23:15 Marejeleo ya Msalaba

Zatù 13:1

Mibaal en maan is menge Israilihanen te igkepauk te Nengazen, umbe impesakup sikandan te Nengazen te menge Filistihanen seled te 40 he tuig.

Zatù 6:1

Ne mibaal en maan is menge Israilihanen te mezaat diyà te etuvangan te Nengazen, umbe impesakup sikandan te Nengazen te menge Midianhen seled te pitu he tuig.

Zatù 3:8

Tenged kayi nepeukan sikandan te Nengazen, umbe mibey-anan din sikandan he mezaag ni Hadì Cushan Rishataim he hadì te Aram Naharaim. Nesakup din sikandan seled te walu he tuig.

Zatù 3:12

Mid-uman en maan mebaal is menge Israilihanen te mezaat diyà te etuvangan te Nengazen. Ne tenged dutun midhimu te Nengazen he mesakup sikandan ni Hadì Eglon he hadì te Moab.

1 Hadì 8:56

“Ereg he edeliǥen is Nengazen su impehimeley zin is menge etew zin he menge Israilihanen sumalà is impenaad din. Midtuman din is langun he insaad din diyà te suluǥuen din he si Moises.

1 Hadì 14:15

Edsilutan te Nengazen is menge etew ziyà te Israel taman te ebpengerkeren sikandan iring te kegkerkera te tigbew he egkeigù te seleg te wahig. Id-awè din sikandan kayi te meupiya he tanà he imbeǥey zin diyà te menge kepuun dan, ne ibpeyapat din sikandan diyà te egkehunaan te Wahig he Eufrates su ǥeina te midhimu zan he mepauk sikandin pinaaǥi te kebpehitindeg dan te tukud he simbulu te vahi he ed-ezapen he si Ashera.

Isaias 24:6

Umbe, edrewakan te Megbevayà is kelibutan, ne televaken heini te menge meǥinged kayi tenged te menge salè dan. Edezeetan sikandan he iring te ebinsulan te hapuy, ne zeisey zà is egkesamà kandan.

Jeremias 32:24

Ne ǥuntaan midtambù te tanà is menge tig-Babilonia kayi te kilid te verengbeng te Jerusalem he egkeveyaan dan te kedseled dan kayi te inged su wey zan maaǥew heini. Ne tenged te tebek, bitil, wey zaru, egkaaǥew te menge tig-Babilonia heini is inged su iyan heeyan migkaǥi nu.

Jeremias 35:17

Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”

Leviticus 26:3

Emun edtumanen niw is menge sulunuzen he ibpesunud ku wey menge suǥù ku,

Jeremias 32:42

Migkaǥi pa is Nengazen te, “Iring te impeseǥazan ku kayi he menge etew is dekelà he kezeetan, ibeǥey ku zaan kandan is menge keupiyaanan he insaad ku kandan.