Josue 23:10 - Manobo Western Bukidnon OT

¹⁰ Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

Josue 23:10 Marejeleo ya Msalaba

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Leviticus 26:8

Is 5 keniyu ebpekezaag te 100 ne is 100 keniyu ebpekezaag te 10,000.

Deuteronomio 3:22

Kenè kew mahandek kandan, su iyan is Nengazen he Megbevayè niw ebpekidtebek para keniyu.’

Exodus 14:14

Su iyan is Nengazen ebpekidtebek para keniyu. Ne kenè en kinahanglan he iyan kew ebpekidtebek.”

Salmo 35:1

Kuntedaha nu, Nengazen, is menge etew he mibpekigkuntada kedì. Pekidtebek ka te menge etew he mibpekidtebek kedì.

Deuteronomio 20:4

Su eduma keniyu is Nengazen he Megbevayè niw! Ebpekidtebek sikandin para keniyu kuntra te menge kuntada niw ne ibpezaag din keniyu sikandan!’

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Josue 23:3

Neehè niw en is langun he mibeelan te Nengazen he Megbevayè niw kayi te menge nasyun para keniyu. Is Nengazen he Megbevayè niw iyan mibpekidtebek para keniyu.

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Zatù 15:15

Ne nekaahà si Samson te tulan te bakà te asnu he veǥu pa he minatey. Migkuwa zin haazà ne migamit din te kedhimatey te 1,000 he menge Filistihanen.

2 Samuel 23:8

Iyan heini menge sakup ni David he menge mevurut: Si Josheb Bashebet he tig-Takemon, he iyan kes edhuna zuen te tetelu he menge mevurut he sakup ni David. Te senge sangkè dà ne nekepatey sikandin te 800 he etew pinaaǥi te vangkew zin.

Zatù 3:31

Is nekesunud ki Ehud he pengulu iyan si Shamgar he anak ni Anat. Midlibri zin is Israel puun te menge Filistihanen. Menge 600 he menge Filistihanen is mibpenhimetayan din pinaaǥi te tuked he gelemiten te kedsegseg te vaka.

Deuteronomio 20:3

‘Pemineg kew is menge etew te Israel. Kenè kew mahandek kayi te kebpekidtebek niw ǥuntaan. Mebpekevurut kew wey kenè kew peteranta.

Deuteronomio 28:7

Ibpezaag te Nengazen keniyu is menge kuntada niw he edsurung keniyu. Edrapungrapung dan is edlusud keniyu piru ebpekedsusuwey is ebpemelaǥuy keniyu.

Deuteronomio 32:20

Ke sikandin te, “Ed-iniyuǥan ku sikandan su ed-ahaan ta ke hengkey is egkepeveyaan dan, su mezaat sikandan he lapis te kevuwazan, menge anak he kenà metinumanen.

Josue 23:11

Umbe, sigureduwa niw he mahal niw is Nengazen he Megbevayè niw.

1 Cronica 5:22

wey mezakel pa is mibpenhimetayan dan tenged te mid-uǥupan sikandan te Megbevayà te kebpekidtebek. Ne kayi zan en med-ubpà he lugar taman te nevihag sikandan.

Isaias 30:17

Is kebpenhulgà te sevaha kandan ne ibpekepelaǥuy te nengkelibu he menge sundaru niw. Ne is kebpenhulgà te lelima kandan ibpekepelaǥuy niw te langun. Egkeiring kew te tukud te bendirà he sebsevaha zà diyà te puntur te vuntud.”

Zacarias 12:8

Dutun he andew edlevanan te Nengazen is ebpemen-ubpà diyà te Jerusalem su para minsan is utew meluya kandan ne egkeiring ki David kezesen. Is menge kevuwazan ni David egkeiring te Megbevayà, iring te velinsuǥuen te Nengazen he ebpengulu kandan.

Leviticus 26:7

Iyan kew edsurung te menge kuntada niw ne ebpenhimetayan niw sikandan.

1 Cronica 5:20

Ne mibuyù dan te tavang te Megbevayà hein ebpekidtebek dan en, ne midtavak te Megbevayà is ked-ampù dan tenged te midsarig sikandan kandin. Umbe impezaag kandan te Megbevayà is menge Hagarnen wey is langun he mid-uǥup kayi.