Josue 18:16 - Manobo Western Bukidnon OT

¹⁶ Mibpetupang heini ziyà te lugtenaan te vuntud he zehipag te Suǥud-suǥud he Ben Hinom he ziyà te zizaya he vahin te Suǥud he Refaim. Midlaus heini ziyà te Suǥud-suǥud he Ben Hinom, nekeikul te zivavà he kelendiǥan te inged te menge Jebusihanen, pelaus diyà te En Rogel.

Josue 18:16 Marejeleo ya Msalaba

2 Hadì 23:10

Midremerikan daan ni Josia is pemuhatà diyà te Tofet, he ziyà te Suǥud-suǥud te Ben Hinom, su para wazà ebpekepemuhat te anak din dutun diyà te ki Molec pinaaǥi te hapuy.

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Jeremias 32:35

Mibangun dan te menge simbahan he para ki Baal ziyà te Suǥud-suǥud he Ben Hinom, para ikepemuhat dan is menge anak dan diyà te ed-ezapen he si Molec. Ne wazè ku heini isuǥù kandan; wazè ku man ganì meisip he ebeelan dan heini is utew mezaat he menge vaal he nehimu he hinungdan te kebpekesalà te menge etew ziyà te Juda.

Jeremias 19:11

Ne keǥiyi nu sikandan te, iyan a, is Nengazen he Mekeǥeǥehem migkaǥi te, ‘Ebpurungan ku edezeeti is Juda wey is Jerusalem iring te kegkerupet kayi te umuy he kenè en egkehimu he ebpurungan. Ibpenleveng is utew mahabet he ebpematey ziyà te Tofet taman te wazè en lugar he egkelevengan.

Jeremias 19:6

Umbe, pengandam kew, su iyan a, is Nengazen migkaǥi te egkeuma is timpu he heini he lugar kenè en maan egngezanan te menge etew te Tofet etawa Suǥud-suǥud he Ben Hinom, kekenà, egngezanan dan te Suǥud-suǥud he Lepeey.

Jeremias 19:2

ne hendiyè kew te Suǥud-suǥud he Ben Hinom, he uvey te Pultahan te Ibpehendiyà te Timbaǥà te Egkengeǥevà he menge Ziniyun. Ne tudtula nu zutun is migkaǥi ku ziyà te kenikew.

2 Cronica 33:6

Impemuhat din is menge anak din diyà te hapuy diyà te Suǥud-suǥud te Ben Hinom. Mibeelan din daan is baal te menge veyilan, menelagnà wey menge mememarang, ne ebpenginginsà daan diyà te menge veyilan he ebpekidlalag te ǥimukud te nemematey en. Utew subra is kebaal zin te salà diyà te Nengazen, ne ingkepauk heini te Nengazen.

2 Cronica 28:3

Midtutung sikandin te menge pemuhat diyà te Suǥud-suǥud te Ben Hinom, ne minsan is anak din impemuhat din diyà te hapuy. Mid-iringan din is utew mezaat he menge vaal te menge etew ziyà te menge nasyun he impesegseg te Nengazen te menge Israilihanen.

1 Cronica 14:9

Dutun, midsurung te menge Filistihanen is Suǥud he Refaim.

1 Hadì 1:9

Ne sevaha he andew, midhendiyà si Adonia te Batu ziyà te Zohelet he uvey te En Rogel, ne nemuhat sikandin dutun te kerehidu, menge vaka, ragkes en is impelambù he turiti he menge vaka. Mid-imbita zin is hapit langun te menge suled din he menge maama he menge anak ni David, wey hapit langun te menge upisyal ziyà te Juda.

2 Samuel 17:17

Haazà he timpu, edtaǥad si Jonatan he anak ni Abiatar wey si Ahimaaz he anak ni Zadok diyà te En Rogel, su kenè dan egkesuat he egkaahà he egawas wey edseled dutun te Jerusalem. Duen sevaha he vahi he suluǥuen he ibpehendiyè dan su wey zan metueni ke hengkey is egkeulaula, ne edtudtulen dan maan diyà te ki David.

Zatù 19:10

Iyan, wazè en human mebpemineg haazà is Levihanen, kekenà, migenat sikandin duma te esawa zin he mid-untud te zezuwa he asnu. Utew en mahapun hein nekeuma sikandan diyà te Jebus (he iyan is Jerusalem). Umbe migkaǥi sikan is suluǥuen duen te Levihanen te, “Deyzey vuwa ke kayi kiw zà edhizeǥà te inged te menge Jebusihanen.”

Zatù 1:21

Piru wazà mulà mesegseg te menge kevuwazan ni Benjamin is menge Jebusihanen he menge meǥinged diyà te Jerusalem. Umbe taman en guntaan kemulu ebpemen-ubpà diyà te Jerusalem is menge Jebusihanen duma te menge kevuwazan ni Benjamin.

Zatù 1:8

Midsurung te menge kevuwazan ni Juda is Jerusalem ne naaǥew zan heini. Migerè dan is menge meǥinged dutun ne mibinsulan dan haazà is inged.

Josue 18:28

Zela, Ha Elef, Jebus (he iyan Jerusalem), Gibea, wey Kiriat Jearim: ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged. Iyan heini nepengevilin te tribu ni Benjamin he mibahin diyà te kada pemilya zan.

Josue 15:63

Piru wazà mesegseg te tribu ni Juda is menge Jebusihanen he meǥinged diyà te Jerusalem. Umbe taman en guntaan kemulu pa sikandan ebpemen-ubpà dutun duma te tribu ni Juda.

2 Samuel 5:18

Dutun, migkampu is menge Filistihanen diyà te menge Suǥud he Refaim.