Josue 16:10 - Manobo Western Bukidnon OT

¹⁰ Wazè dan segseǥa is menge Canaanhen he ebpemen-ubpà diyà te Gezer; umbe zuen menge Canaanhen he nengungubpaan duma te menge Efraimnen taman en guntaan, piru mid-uripen dan sikandan.

Josue 16:10 Marejeleo ya Msalaba

Zatù 1:29

Is tribu ni Efraim, wazè dan daan mesegseg is menge meǥinged diyà te Gezer. Umbe mibpedayun heini he menge Canaanhen he ed-ubpà duma kandan.

1 Hadì 9:16

(Heini is Gezer midsurung wey mid-aǥew te Faraon he hadì te Ehipto. Mibinsulan dan heini wey migerè dan is meǥinged kayi he menge Canaanhen. Imbeǥey heini zutun te hadì diyà te anak din he vahi su inggasa zin hein eseweey zan ki Solomon.

Josue 17:13

Piru hein mibmelig-en en is menge Israilihanen, mid-uripen dan haazà is menge Canaanhen, piru wazè dan gihapun evuǥa sikandan.

Josue 15:63

Piru wazà mesegseg te tribu ni Juda is menge Jebusihanen he meǥinged diyà te Jerusalem. Umbe taman en guntaan kemulu pa sikandan ebpemen-ubpà dutun duma te tribu ni Juda.

Josue 10:33

Hein kemulu zan pa edlusuzi is Lakish, si Hadì Horam he hadì te Gezer wey is menge sundaru zin midtavang te Lakish, piru nezaag gihapun sikandan eni Josue ne wazà nesamà kandan he uuyag.

Josue 16:9

Ragkes kayi is malù dezekelà wey dezeisek he menge inged he nesakup te tanà te menge kevuwazan ni Manase.

Josue 17:12

Piru heini he menge inged wazà meubpai te menge kevuwazan ni Manase, su kenè dan egkesegseg is menge Canaanhen dutun.

1 Hadì 9:15

Iyan heini kaaǥi te kedtiǥum ni Hadì Solomon te menge etew he mibpeǥes din te kedterebahu zuen te kebenguna te valey te Nengazen wey te turuǥan din, kedtambak te mevavà he vahin te tanà dutun te inged, kedlig-eni te verengbeng te Jerusalem, wey ked-umana kebenguna te menge inged he Hazor, Megido, wey Gezer.