Josue 15:10 - Manobo Western Bukidnon OT

¹⁰ ne mid-uman mebulegkù diyà dapit te edsenlepan te Baala pehendiyà te Buntud he Seir. Ne midlaus heini ziyà te egkezizayà he kelendiǥan te Buntud he Jearim he iyan is Kesalon, pehendiyà te Bet Shemesh wey midlaus diyà te Timnah.

Josue 15:10 Marejeleo ya Msalaba

Zatù 14:1

Duen timpu he midhendiyà si Samson te Timnah, ne zuen din naahà dutun he raǥa he Filistihanen.

Zatù 14:5

Ne midhendiyà si Samson te Timnah duma te menge ginikanan din. Ne hein midhendiyà si Samson te menge pemuleey te paras diyà te Timnah, midtik-awan sikandin sinuǥunga te edhiniǥer he erimaung he kenè pa meǥurang.

Josue 15:57

Kain, Gibea wey Timnah: ne 10 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

Josue 15:11

Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

Josue 21:16

Ain, Juta, wey Bet Shemesh, ragkes is menge penebtavà kayi. Ne 9 he menge inged is nesakup te tanà te tribu ni Simeon wey ni Juda.

1 Samuel 6:9

piru ahaa niw zà. Emun edtekezeg he ebpehendiyà te Bet Shemesh, he sakup te tanà te menge Israilihanen, egketuenan tew he iyan is Nengazen teǥivaal te neulaula kayi te kenitew he utew mereǥen. Ne emun kenà, ne egketuenan tew he kenè bes heini vaal te Nengazen, kekenà, nehitavù dè bes.”

2 Samuel 6:2

Ne migenat dan pehendiyà te Baala he sakup te Juda su egkuwaan dan diyà kes Kavan te Kebpekid-uyun te Megbevayà, he zutun is Nengazen he Mekeǥeǥehem. Ne zutun is Nengazen te teliwazà te menge kirubin he zutun te divavew te Kavan.

Josue 19:38

Iron, Migdal El, Horem, Bet Anat, wey Bet Shemesh: ne 19 langun he inged, ne ebpekeuman pa kayi is dezeisey he menge inged diyà te peliǥuy kayi he menge inged.

2 Hadì 14:11

Piru wazà mebpemineg si Amazia, umbe midsurung sikandin ni Hadì Jehoash wey te menge sundaru zin. Midtebek dan diyà te Bet Shemesh he sakup te Juda.

2 Cronica 28:18

Ne gawas kayì, midsurung daan te menge Filistihanen is menge inged te Juda he ziyà te menge mibuntud-buntud diyà te edsenlepan wey te Negev. Ne naaǥew zan is Bet Shemesh, Ayalon, Gederot, Soco, Timnah, wey Gimzo, ragkes en is menge lugar he nekelingut kayi ne zutun en sikandan med-ubpà.