Jonas 2:2 - Manobo Western Bukidnon OT

² Ke sikandin te, “Nengazen, edsempiten ku sikew tenged te kemereǥenan he neeǥiyan ku. Ne midineg a kenikew. Ne midtevangan a kenikew hein edserupatey ad.

Jonas 2:2 Marejeleo ya Msalaba

Salmo 120:1

Dutun te kedlised ku, mid-umew ku is Nengazen ne midtavak e zin.

Salmo 34:6

Mibpengumew is egkaayuayu he etew te Nengazen, ne midtavak din sikandin. Midlibri zin sikandin te langun he kelised din.

Salmo 86:13

Su utew a kenikew mibmahal; midlibri a kenikew te kemetayen.

1 Samuel 30:6

Midekelè en is prublima ni David su mezaat en is egkeisip te menge sakup din tenged te kegkevihaǥa te menge anak dan ne ebpelenuwan dan en te ebatu si David. Piru zutun midlig-enan si David te Nengazen he Megbevayè din.

Salmo 116:3

Nahandek a su neǥezam ku he henduen be te hapit ad ebpatey; is kemetayen henduen be te pisì he nekevedbed kediey. Nesemukan a wey neipeng a,

Salmo 22:24

Su wazè din pesegdana is menge elentusen te menge egkaayuayu. Wazè din sikandan iniyuǥi, kekenà, ebpemineǥen din is kebuyù dan te tavang.

Salmo 4:1

Sikew is metazeng he Megbevayè ku, tevaka a kenikew zutun te ked-umawa ku kenikew. Hein nekebmerasey a zengan, midtevangan a kenikew. Umbe ǥuntaan, pemineǥa nu is menge kebpengemuyù ku wey kehizuwi a.

Isaias 14:9

“Is lugar te menge minatey edtaǥad kenikew he egkeǥalew; nengandam en heini te kesinuǥung kenikew. Is menge ǥimukud te menge etew he menge gemhanan dengan kayi te kelibutan, utew egkegalew kenikew. Nemenhitindeg puun te pinuuwà is menge ǥimukud te menge hadì su edsinuǥungen ke zan.

Salmo 65:2

Is langun he menge etew ed-uvey ziyà te kenikew su edtevaken nu is menge kebpengemuyù dan.

Salmo 61:2

Puun dini te meziyù he lugar ebpengumew a kenikew su neewaan ad te perateng. Uwita a kenikew ziyà te lugar he wazà duen ebpekekaid,

Salmo 16:10

su kenà a kenikew ebpesegdanen he mekehendiyà a te lugar te menge minatey. Kenè nu idtuǥut he meredak is lawa te metinumanen he suluǥuen nu.

1 Samuel 1:16

Kenè nu isipa he mezaat a he vahi. Nengemuyù e zà tenged te utew ku kegkeseeng.”

Penhulùhulù 3:55

Puun te kinezizeleman te vudsi nengumew a kenikew, Nengazen.

Ezekiel 26:20

Edlenepen ku sikew ziyà te kinezizaleman. Kenè ke en ebpekelikù diyà te lugar he para te menge uuyag.

Ezekiel 31:14

Umbe puun guntaan, wazè en kayu he edlavew is ketawis din wey kerapung din te zuma he menge kayu, minsan wehiǥen pa is netuvuan din. Su egkepatey is langun he kayu iring te etew he ebpatey ne ebpehendiyà heini te dizalem te tanà.”

2 Cronica 33:12

Ne tenged te kedlised din, ne wazè en human sikandin mebpelavew, ne mibpehizuhizu sikandin te Nengazen he Megbevayè din, he Megbevayà daan te menge kepuun din.